Түркістан облысы. Алкогольге қарсы шаралар - алкогольді тұтынуды азайтуға бағытталған шаралардың кең ауқымы.

Шылым шегу мен алкогольді тұтыну денсаулыққа зиян келтіретін қауіпті әдеттер. Олар жүрек-қан тамырлары, тыныс алу жүйесі, асқазан-ішек жолдары және бауыр сияқты маңызды органдарды зақымдайды. Сонымен қатар, олар психикалық денсаулыққа кері әсерін тигізіп, тәуелділік пен әлеуметтік мәселелерді тудырады. Сондықтан бұл зиянды әдеттерден бас тарту немесе оларды барынша шектеу ұзақ әрі салауатты өмір сүру үшін маңызды болып табылады. Шылым шегу — денсаулыққа айтарлықтай зиян келтіретін әдеттердің бірі. Темекі түтіні құрамында 7000-нан астам химиялық зат бар, олардың кемінде 70-і қатерлі ісік тудырады. Темекі шегетін әйелдерде жүктілік кезінде түрлі асқынулар жиі кездеседі. Бұл жағдайда сәбилер шала туылуы, дене салмағының төмен болуы немесе туа біткен ақауларға ұшырайды. Темекі шегетін адамдардың қасында болған балалар мен ересектер де түтіннен зардап шегеді. Бұл олардың тыныс алу жолдарының ауруларының, демікпенің және басқа да аурулардың қаупін арттырады.

Қазақстанда шылым шегуге және алкогольді тұтынуға қарсы күрес шаралары мемлекет денсаулықты қорғау, халықтың өмір сүру сапасын жақсарту, сондай-ақ қоғамдық тәртіп пен қауіпсіздікті қамтамасыз ету мақсатында қабылданған. Бұл шаралар заңнамалық реттеуді, ақпараттық-түсіндіру жұмысын және алдын алу бағдарламаларын қамтиды. Алкоголь де адам ағзасына айтарлықтай зиян келтіретін психобелсенді зат. Оның ұзақ уақыт тұтынылуы физикалық және психикалық денсаулықтың нашарлауына, сондай-ақ әлеуметтік мәселелердің туындауына әкеледі. Алкогольді тұрақты тұтыну ауыз, өңеш, көкірек, бауыр және ішек қатерлі ісіктерінің даму қаупін арттырады. Алкогольдің метаболизмінің нәтижесінде ацетальдегид деп аталатын зиянды зат түзіледі, ол ДНҚ-ны зақымдап, қатерлі ісік жасушаларының пайда болуына себеп болады.

Алкогольге қарсы шаралар - алкогольді тұтынуды азайтуға бағытталған шаралардың кең ауқымы. Алкогольге қарсы шаралардың тиімділігі әр түрлі факторларға байланысты болып келеді. Оның ішінде қоғамдық саясат, мәдениет, экономикалық жағдайлар. Дегенмен, алкогольді тұтынудың теріс салдарынан қорғау үшін олардың маңызы зор. Бұл шаралардың мақсаты – халықтың денсаулығын жақсарту, өмір сүру сапасын арттыру және зиянды әдеттермен күресу. Тиімді профилактика, насихат және заңнамалық шектеулер арқылы Қазақстанда зиянды әдеттерді азайтуға бағытталған жұмыстар жалғасып жатыр.

Тілші: Кенжебаева Гаухар Жақыпқызы