Шымкент қаласы бойынша тұрғын үйлер — бұл қаладағы тұрғын үй қорын, құрылыс саласын және осы саладағы әлеуметтік-экономикалық мәселелерді қамтитын кешенді мәселе.

Шымкент қаласы бойынша тұрғын үйлер — бұл қаладағы тұрғын үй қорын, құрылыс саласын және осы саладағы әлеуметтік-экономикалық мәселелерді қамтитын кешенді мәселе. Шымкент — Қазақстанның үшінші ірі қаласы, халық санының өсуімен және экономикалық дамуының артуымен тұрғын үй саласы маңызды рөл атқарады. Қаладағы тұрғын үйлердің құрылысымен қатар, сапа, қолжетімділік, инфрақұрылымдық даму және әлеуметтік тұрғын үй мәселелері де басты назарда. Халық санының артуы мен қала аумағының кеңеюі тұрғын үйге сұранысты арттырып отыр. Қазіргі таңда Шымкенттің тұрғын үй қоры қала мен оның іргелес елді мекендеріндегі жеке үйлер мен көпқабатты үйлерден тұрады. Сонымен қатар, жаңа тұрғын үйлер салынуда.

 Тұрғын үй құрылысы әлеуметтік саясаттың маңызды элементі болып табылады. 7 жыл ішінде Қазақстанда 111 млн шаршы метр тұрғын үй салынуы керек. Сондай-ақ 2024 жылы тұрғын үй құрылысы 18 млн шаршы метрге жетеді. Осылайша 1 млн-нан астам отбасы баспанамен қамтылады. Тұрғын үйді уақытылы пайдалануға беру үшін Астана, Шымкент және облыстар әкімдіктері биыл қолданысқа берілетін нысандар нақты көрсетілген Жол картасын әзірлеп, бекітті. Қаңтар-қазан аралығында 14 млн шаршы метр тұрғын үй немесе 123,8 пәтер мен үй пайдалануға берілді. Бұдан бөлек, 2024 жылы ел бойынша тұрғын үйлердегі 200-ден астам лифтіні ауыстыру жоспарланған. Бұл өз кезегінде мыңдаған қазақстандықтың өмір сүру деңгейін жақсартпақ. 7-20-25 – қарыз бойынша ең төменгі мөлшерлемесі 7 пайыз болатын ең танымал бағдарламалардың бірі. Бастапқы жарна тұрғын үй құнының 20 пайызы. Астана, Алматы, Ақтау, Атырау және Шымкентте бағдарлама бойынша пәтердің ең жоғары құны 25 миллион теңгені құрайды.
„Нұрлы жер" мемлекеттік бағдарламасына „Қазақстандық тұрғын үй компаниясы “АҚ және "Отбасы банк"АҚ компаниялары қатысады. Тиісінше, банктер ұсынатын шарттар да әртүрлі.
„Отбасы банк" АҚ тұрғын үй құнының 20 пайызын бастапқы жарна ретінде талап етеді, ал несие бойынша мөлшерлеме жылдық 5 пайызды құрайды. Осы шарттар сақталған жағдайда банк 25 жылға дейінгі мерзімге қарыздар ұсынады.
Үлкен танымалдылыққа ие болған "7-20-25" бағдарламасы өкінішке қарай, оған қатысуға ниет еткендердің  барлығын қамти алмады. Себебі бастапқы нарықтағы жаңа тұрғын үй тапшылығы болды. Сұранысты жабу үшін ипотекаға тек жаңадан соғылған ғана емес, сонымен қатар қайталама нарықтан тұрғын үй сатып алуға бағытталған "Баспана хит" бағдарламасы пайда болды. Мұндағы бастапқы жарна да 20 пайыз, қарыз өтеу мерзімі – 15  жылға дейін.

Тілші: Кенжебаева Гаухар Жақыпқызы