Шымкентте мәслихаттың жылдық қорытынды сессиясы өтті. 2024 жылы қаланың барлық экономикалық салаларында оң өзгерістер байқалды.

   Экономикалық даму — бұл елдің немесе аймақтың экономикалық әлеуетінің уақыт өте келе жақсару процесі. Экономикалық даму нақты көрсеткіштер арқылы өлшенеді, оның ішінде жалпы ішкі өнім (ЖІӨ), өндіріс көлемі, инвестициялар, жұмыс орындары, инфрақұрылымның дамуы және халықтың өмір сүру деңгейі бар.
Шымкентте мәслихаттың жылдық қорытынды сессиясы өтті. 2024 жылы қаланың барлық экономикалық салаларында оң өзгерістер байқалды.

    Бұл жиында Шымкент қаласының әкімі Ғабит Сыздықбеков өзіне жүктелген міндеттер мен функциялардың орындалуы бойынша есеп беріп, қаланың әлеуметтік-экономикалық даму көрсеткіштерін баяндады. 
     Әкімнің айтуынша, 2024 жылы қаланың барлық экономикалық салаларында оң өзгерістер байқалды. Жылдың 10 айының қорытындысы бойынша, Шымкент экономикасы 12%-ға өсті. Бұл көрсеткіш республика бойынша алдыңғы қатарда. Оның ішінде, тартылған инвестиция 9 пайызға, құрылыс жұмыстарының көлемі 27 пайызға, пайдалануға берілген тұрғын үй алаңы 42 пайызға, сауда көлемі 19 пайызға, көлік қызметі 26 пайызға, өнеркәсіптегі өнім көлемі 2 пайызға артты. Көлік қызметтері 26%-ға өсіп, қала аумағында көлік инфрақұрылымы мен логистикалық қызметтерді дамыту маңызды рөл атқарды. Биыл көшелерді жарықтандыру көлемі едәуір артып, 1 528 көшеге жарықшамдар орнатылуда. Әрбір цифр құрғақ статистика емес, шынайы еңбектің көрсеткіші. Бұл жетістіктер  – ортақ күш-жігеріміздің нәтижесі. Біз бұл 
 жұмыстарды кезең-кезеңімен жалғастырып, 2027 жылға дейін нақты мақсаттарға қол жеткіземіз, – деді қала әкімі. 
  Сонымен қатар, әкім қаладағы газдандыру мәселесіне тоқталып, халық арасында түсіндіру жұмыстарын күшейту қажеттігін атап өтті.  Сессия барысында аумақтық сайлау комиссиясының төрағасы Қайырбек Құнанбаев жаңадан сайланған депутат Муфтулла Қонақбаевты таныстырып, оған депутаттық куәлік пен төс белгі табыстады. Сондай-ақ, өз өтініші негізінде өкілеттігін мерзімінен бұрын тоқтатқан Ноян Төлегеновтің орнына «Ақ жол» партиясының шешімімен Батырбек Әшірбаев депутат болып сайланды. 
   Қала әкімінің есебін депутаттар жоғары бағалап, бірауыздан мақұлдады. Сонымен бірге, күн тәртібіндегі маңызды мәселелерге қолдау білдіріп, бірқатар шешімдер қабылданды. Қала басшысы бұл сессияның маңызды нәтижелерге жеткенін атап өтіп, депутаттарға алғыс айтты.
    Шымкент қаласының әкімі Ғабит Сыздықбеков қала кәсіпкерлерімен жыл сайынғы дәстүрлі кездесуін өткізді. 
   Іс-шарада бизнес-қоғамдастық, салалық басқармалар, құқық қорғау және қадағалау органдары өкілдерімен ашық диалог аясында кәсіпкерлікті дамытуға қатысты өзекті мәселелер талқыланды. 
   Әкім өз сөзінде қалада жүзеге асырылып жатқан инвестициялық жобаларға тоқталып, бизнеске қолайлы жағдай жасау және іскерлік белсенділікті арттыру бойынша атқарылған жұмыстарды баяндады. 
    Жыл басында шағын және орта бизнес субъектілері үшін бөлшек салық мөлшерлемесін 4%-дан 2%-ға дейін төмендету туралы шешім қабылданды. Сонымен қатар, кәсіпкерлерге қажетті инфрақұрылым салынды және “Жұлдыз”, “Бозарық” индустриялық аймақтары іске қосылды. Келесі жылы “Жұлдыз” индустриялық аймағына теміржол жолдарын тарту құрылысы аяқталатын болады.   
    Сонымен қатар, кездесуде мемлекеттік бағдарламалар аясындағы кәсіпкерлерді қолдау құралдары талқыланып, шағын және орта бизнестің даму перспективалары туралы пікір алмасылды. Кәсіпкерлердің сұрақтары тыңдалып, оларға нақты жауаптар берілді. 
    Кездесу соңында қала әкімі Ғабит Сыздықбеков кәсіпкерлерге қаланың дамуына қосқан үлестері үшін алғыс айтып, бизнесті дамыту басты басымдықтардың бірі екенін атап өтті. Әкім: - Болашақта бизнес-қоғамдастықтың ұсыныстары мен тілектерін ескере отырып, кәсіпкерлікке қолайлы жағдайларды жақсарту бағытында жүйелі жұмыстарды жалғастырамыз, – деп қала басшысы.
Қорытынды: Шымкент қаласының 2024 жылғы әлеуметтік-экономикалық дамуы айтарлықтай табыстарға жетті.
 Бизнес-қоғамдастықпен өткізілген кездесу барысында шағын және орта бизнесті дамытуға бағытталған іс-шаралар, кәсіпкерлерге көрсетілетін мемлекеттік қолдау шаралары туралы айтылды. 
Қала әкімінің есебі мен мәслихат сессиясы Шымкенттің дамуына бағытталған нақты қадамдар мен жоспарлардың тиімді жүзеге асырылып жатқанын көрсетті. 2024 жылдың 10 айының қорытындысы бойынша Шымкенттің экономикасы 12%-ға өскен, бұл республикадағы үздік көрсеткіштердің бірі болып табылады. Инвестициялар, құрылыс, сауда, көлік қызметі және өнеркәсіп секторларында айтарлықтай өсім байқалды.   
  Сонымен бірге, әкім өзінің баяндамасында алдағы жылдарға арналған жоспарларымен бөлісіп, 2027 жылға дейінгі мақсаттарға қол жеткізу үшін қала басшылығы барлық күш-жігерін жұмсайтынын айтты. Қала әкімдігі бизнеске қолайлы жағдай жасап, әлеуметтік бағдарламаларды іске асыруды жалғастыруда.
Бұл сессия мен кездесулер нәтижесінде қабылданған шешімдер мен бастамалар Шымкент қаласының даму жолында маңызды қадам болып табылады, және қала тұрғындарының әл-ауқатын арттыруға бағытталған жұмыстар алдағы уақытта да жалғаса береді.

Тілші: Кенжебаева Гаухар Жақыпқызы