Шымкент қаласының әлеуметтік-экономикалық дамуы маңызды нәтижелерге жеткенін көрсетеді.

      Ағымдағы жылдың алғашқы жеті айының қорытындысы бойынша Шымкентте әлеуметтік-экономикалық көрсеткіштердің тұрақты өсуі тіркелді, бұл қала экономикасындағы оң өзгерістерді көрсетеді. Қысқа мерзімді экономикалық өсім 11,6% - ға жетті, бұл Шымкентке осы көрсеткіш бойынша республикада үшінші орынға көтерілуге мүмкіндік берді (өткен жылдың ұқсас кезеңінде қала алтыншы орынды иеленді). Мұндай елеулі прогресс қала экономикасының түрлі салаларының белсенді дамуын көрсетеді.

    Бүгін Шымкент қаласы мәслихатының кезекті жиырма үшінші сессиясы өтті. Бұл жиында Шымкент қаласының әкімі Ғабит Сыздықбеков өзіне жүктелген міндеттер мен функциялардың орындалуы бойынша есеп беріп, қаланың әлеуметтік-экономикалық даму көрсеткіштерін баяндады. Әкімнің айтуынша, 2024 жылы қаланың барлық экономикалық салаларында оң өзгерістер байқалды. Жылдың 10 айының қорытындысы бойынша, Шымкент экономикасы 12%-ға өсті. Бұл көрсеткіш республика бойынша алдыңғы қатарда. Оның ішінде, тартылған инвестиция 9 пайызға, құрылыс жұмыстарының көлемі 27 пайызға, пайдалануға берілген тұрғын үй алаңы 42 пайызға, сауда көлемі 19 пайызға, көлік қызметі 26 пайызға, өнеркәсіптегі өнім көлемі 2 пайызға артты. Биыл көшелерді жарықтандыру көлемі едәуір артып, 1 528 көшеге жарықшамдар орнатылуда. – Әрбір цифр құрғақ статистика емес, шынайы еңбектің көрсеткіші. Бұл жетістіктер – ортақ күш-жігеріміздің нәтижесі. Біз бұл жұмыстарды кезең-кезеңімен жалғастырып, 2027 жылға дейін нақты мақсаттарға қол жеткіземіз, – деді қала әкімі. Сонымен қатар, әкім қаладағы газдандыру мәселесіне тоқталып, халық арасында түсіндіру жұмыстарын күшейту қажеттігін атап өтті.     Сессия барысында аумақтық сайлау комиссиясының төрағасы Қайырбек Құнанбаев жаңадан сайланған депутат Муфтулла Қонақбаевты таныстырып, оған депутаттық куәлік пен төс белгі табыстады. Сондай-ақ, өз өтініші негізінде өкілеттігін мерзімінен бұрын тоқтатқан Ноян Төлегеновтің орнына «Ақ жол» партиясының шешімімен Батырбек Әшірбаев депутат болып сайланды. Қала әкімінің есебін депутаттар жоғары бағалап, бірауыздан мақұлдады. Сонымен бірге, күн тәртібіндегі маңызды мәселелерге қолдау білдіріп, бірқатар шешімдер қабылданды. Қала басшысы бұл сессияның маңызды нәтижелерге жеткенін атап өтіп, депутаттарға алғыс айтты.
     Шымкент қаласы бойынша Сауда және тұтынушылардың құқықтарын қорғау департаменті 2024 жылдың 9 айында айтарлықтай жұмыс атқарды. Осы кезеңде департамент 3908 өтінішті қарады, оның ішінде 3274 өтініш қанағаттандырылып, жалпы сомасы 198,5 млн теңге тұтынушыларға қайтарылған. 
   Сонымен қатар, 381 өтінішке қатысты тұтынушыларға түсіндірмелер беріліп, 116 өтініш басқа органдарға бағытталды. 41 өтініш иелері тарапынан кері қайтарылса, 18 талап-арыз бойынша сотқа жүгінілді, оның 9-ы бойынша оң шешім қабылданып, 3 млн теңгеден астам қаражат өндірілген. 
   Сондай-ақ, департамент "Тұтынушылардың құқықтарын қорғау туралы" заңның негізінде 10-нан астам азаматтың құқықтары бұзылған екі жағдайды анықтап, олардың құқығын қорғау үшін сотқа жүгінді. Нәтижесінде 280 мың теңге тұтынушыларға қайтарылды.
   Қаладағы әлеуметтік-экономикалық жағдайдың жақсаруы жергілікті бюджет түсімдерінің өсуіне тікелей әсер етті.
     2024 жылы бюджет шығыстарының жалпы көлемі 764,0 млрд теңгені құрады, бұл өткен жылмен салыстырғанда 107,0 млрд теңгеге артық.
   Бюджетке түсетін түсімдер де айтарлықтай өсті: кіріс көлемі 61 млрд теңгеге ұлғайып, 404 млрд теңгеге жетті. Осы сомадан 272 млрд теңге келіп түсті, бұл бюджеттік жоспарды 19,8% - ға асыра орындауға мүмкіндік берді. Бюджетке түсетін түсімдердің өсуі қала халқының әл-ауқатын арттыруға бағытталған әлеуметтік бағдарламаларды іске асыру үшін негіз құрды. Жергілікті бюджеттен қаржыландырылатын табысы төмен қызметкерлерді қолдау бағдарламасы аясында 15 мыңға жуық адам 50 мың теңге мөлшерінде жалақыға үстемеақы алды.
     Осы шараның арқасында осы қызметкерлер үшін ең төменгі жалақы 140 мың теңгеге дейін өсті.
Бұл мақсаттарға 8,1 млрд теңге бөлінді. Бұл бастама бюджеттік сала қызметкерлерінің еңбек жағдайлары мен өмірін жақсарту жолындағы маңызды қадам болды.
     Бизнесті қолдаудың маңызды шарасы бөлшек салық мөлшерлемесін 4% - дан 2% - ға дейін төмендету болды. Бұл бастама кәсіпкерлік белсенділікті ынталандыруға, капитал айналымын кеңейтуге және жаңа жұмыс орындарын құруға бағытталған. Бизнес үшін жеңілдікті шарттарды енгізу инвестицияларды тартуға және қала экономикасын дамытуға көмектеседі. Осындай өзгерістердің нәтижесінде Шымкенттегі кәсіпорындар санының артуы және жалпы экономикалық жағдайдың жақсаруы күтілуде.
  Қорытынды: Шымкент қаласының әлеуметтік-экономикалық дамуы маңызды нәтижелерге жеткенін көрсетеді. Экономиканың түрлі салаларында көрсеткіштер өсіп, қаланың әлеуметтік инфрақұрылымы жаңаруда. Тұрғын үй құрылысы, жұмыс орындарын ашу, денсаулық сақтау мен білім беру саласының дамуы, әлеуметтік қолдау шаралары мен кәсіпкерлікті дамыту бағытындағы іс-шаралар қала тұрғындарының өмір сапасын жақсартуға және әлеуметтік теңсіздікті азайтуға ықпал етуде. Дегенмен, даму тұрақтылығын қамтамасыз ету үшін ұзақ мерзімді экономикалық стратегиялар мен жаңа жобаларды енгізу қажет.

Тілші: Кенжебаева Гаухар Жақыпқызы