Жыл жетістігі: Шымкентте 552 отбасына тұрғын үй сертификаты берілді

ЖЫЛ ЖЕТІСТІГІ: Шымкентте 552 отбасына тұрғын үй сертификаты берілді.

 

  Шымкентте биыл 552 отбасы тұрғын үй сертификаты арқылы баспаналы болды. Бұл қайтарымсыз әлеуметтік көмек аясында көпбалалы, толық емес, ерекше бала асыраушы, мүгедектігі бар азаматтар мен басқа да әлеуметтік осал топтарға берілген. Атап айтқанда, 121 көпбалалы отбасы, 51 толық емес отбасы, 104 ерекше бала асыраушы отбасы, 153 мүгедектігі бар адам, 27 жетім бала мен ата-анасының қамқорлығынсыз қалған балалар, сондай-ақ 96 бюджеттік ұйым қызметкері сертификат алды.

 Мемлекеттік бағдарлама аясында тұрғын үй сатып алу үшін бастапқы жарнаның бір бөлігін жабуға арналған сертификаттарға бөлінген қаржы толық игерілді, осыған байланысты өтінімдер қабылдау биыл аяқталды.

  Тұрғын үй сертификаттары Шымкентте 2019 жылдан бастап кезең-кезеңімен беріле бастады. 2019 жылы 21 азаматқа, 2020 жылы 101 азаматқа, 2021 жылы 416 отбасына, 2022 жылы 58 азаматқа және 2023 жылы 148 азаматқа сертификаттар берілді. Бұл тұрғын үй бағдарламасы әлеуметтік осал топтарға баспана алу мүмкіндігін кеңейтуде маңызды рөл атқарып, қаладағы көпбалалы, толық емес, мүгедектігі бар отбасылар мен басқа да аз қамтылған азаматтарға көмек көрсетуде.