Түркістан- ер түріктің қасиетті бесігі

Түркістан – ер түріктің қасиетті бесігі

"Түркістан – екі дүние есігі ғой, Түркістан – ер түріктің бесігі ғой" деп Мағжан Жұмабаев жырлағандай, бұл қала тек Қазақстанның ғана емес, бүкіл түркі әлемінің рухани жүрегі саналады. Түркістанның тарихы тереңде жатыр. 2000 жылы ЮНЕСКО аясында оның 1500 жылдығы атап өтілгенімен, тарихшылар бұл мекеннің тарихы одан да әріге кететінін айтады.

Түркістан – қазақ хандығының алғашқы астанасы

Тарихи деректер бойынша, Түркістан қаласының көне атауы – Ясы. Бұл қала Ұлы Жібек жолының маңызды сауда орталығы және аймағы болды. XII ғасырда Қожа Ахмет Ясауи осында көшіп келіп, қаланың танымалдығын арттыра түсті. Қожа Ахмет Ясауи өзінің рухани мұрасымен бүкіл мұсылман әлемінде беделге ие болып, қала "Хазрет Сұлтан" деп атала бастады.

Қожа Ахмет Ясауи кесенесі – руханияттың шарықтау шыңы

Әмір Темірдің бұйрығымен XIV ғасырда тұрғызылған Қожа Ахмет Ясауи кесенесі – Түркістанның басты символы. Биіктігі 40 метрге жететін бұл архитектуралық шедевр – қазақ даласының тарихы мен мәдениетін бейнелейтін ерекше ескерткіш. Кесене мұсылман әлемінде екінші Мекке ретінде танылып, мұнда көптеген зияратшылар келеді.

"Әзірет Сұлтан" қорық-мұражайы – қазақ халқының шежіресі

Түркістанның тарихи-мәдени "Әзірет Сұлтан" қорық-мұражайы – бүкіл қазақ халқының игі жақсылары жерленген қасиетті орын. Мұнда Қаз дауысты Қазыбек би, Абылай хан, Есім хан, Хақназар хан, Тәуке хан, Шығай хан, Жәңгір хан, Қанжығалы Бөгенбай, Тобықты Мамай сынды ұлы тұлғалар мәңгілік мекен тапқан.

Қасиеттілік пен тарихтың тоғысы

Түркістан – тек тарихи қала ғана емес, қазақ халқының рухани және мәдени символы. Оның қасиеттілігі мен маңыздылығын ұлы тұлғалардың кесенесінде жерленуі, мұсылман әлеміндегі ерекше орны мен мыңдаған жылдар бойы сақталған тарихи ескерткіштері дәлелдейді. Түркістан – өткен мен бүгінгі күннің, руханият пен мәдениеттің алтын көпірі. 
Тілші: Жүрсінбай Аружан