Шымкентте 30 келі есірткіні 1,5 млн теңгеге сатпақ болғандар ұсталды

Шымкентте 30 келі есірткіні 1,5 млн теңгеге сатпақ болғандар ұсталды

Шымкент қалалық полиция департаменті 30 келі есірткіні 1,5 млн теңгеге сатпақ болған екі адамды ұстағанын мәлімдеді. Есірткі қылмысына қарсы іс-қимыл басқармасының қызметкерлері жедел іс-шараларды өткізу барысында Шымкентке есірткі жеткізу арнасының жолын кесті.

Жамбыл облысының 58 және 51 жастағы тұрғыны ұсталып, олардан 30 келіге жуық кептірілген марихуана тәркіленді. Күдіктілер есірткіні Шымкентке алып келіп, сатуды жоспарлаған. Бұл есірткі заттарын олар 1,5 миллион теңгеге сатпақ болған. Қазіргі уақытта күдіктілер қамауға алынып, тергеу амалдары жүргізілуде.

Полиция есірткімен байланысты кез келген заңсыз әрекет қылмыстық жауапкершілікке әкеп соғатынын ескертеді. Сонымен қатар, құқық қорғаушылар есірткі айналымымен күреске бағытталған жұмыстарды жалғастырып, қоғамда есірткі тұтынудың алдын алу үшін түрлі шараларды қабылдап отыр.

Еске сала кетейік, бұған дейін Шымкентте жаңа қосылған шырша өртеніп кетіп, қала тұрғындарын да алаңдатқан болатын. 
Тілші: Жүрсінбай Аружан Сабырқызы