3) Шымкентте аялдамаларда электронды кітапхана пайда болды

Шымкентте аялдамаларда электронды кітапхана пайда болды

  Шымкентте инновациялық электронды кітапхана жобасы іске қосылды. Енді қала тұрғындары автобустар мен қоғамдық орындарда уақыт өткізгенде кітап оқуға мүмкіндік алады. Аялдамалар мен адамдар көп жиналатын орындарда QR кодтары бар электронды кітапханалар орнатылды. Бұл жүйе арқылы кез келген адам смартфонын қолданып, кітаптарды оқи алады.

 QR кодтар арқылы кітаптарды жүктеп оқудың тағы бір артықшылығы – кітапхана қызметкерлері оқылған шығармаларды қадағалап, оқырмандардың қызығушылығына байланысты рейтинг жасай алады. Сонымен қатар, көше бойларында кітап пішінінде жасалған QR орындықтар қала тұрғындарының назарын аударады.

  Алғашқы кезеңде электронды кітапханалар жоғары оқу орындары мен демалыс аймақтарына орнатылып жатыр. Болашақта бұл жүйе Шымкенттің барлық аумағында кеңейтілмек. Жоба тұрғындарға кітап оқуды ыңғайлы әрі қызықты етуге бағытталған. 
Тілші: Кенжебаева Гаухар Жақыпқызы