4) Шымкентте жаңа инфекция тіркелмегенімен ЖРВИ және тұмаумен сырқаттанушылықтың маусымдық өсуі артқан

Шымкентте жаңа инфекция тіркелмегенімен ЖРВИ және тұмаумен сырқаттанушылықтың маусымдық өсуі артқан

  Қазақстанда соңғы уақытта Қытайда тараған адам метапневмовирусы туралы ақпараттар кеңінен таралуда. Бұл вирус туралы әлеуметтік желілерде алаңдаушылық тудырғанымен, ҚР Денсаулық сақтау министрлігі бұл індеттің жаңа емес екенін және оның ешқандай қауіп төндірмейтінін мәлімдеді. Вирустың белгілері тұмаумен ұқсас келеді, ал асқынған жағдайда пневмонияға ұласады. Бірақ, бұл вирустың таралуы да аса қауіпті емес, тек белгілі бір қауіп тобындағы адамдар үшін (балалар мен егде жастағылар) ол қатерлі болуы мүмкін.

  Қазақстанда 2024 жылдың эпидемиялық маусымында 30-ға жуық адам метапневмовирусымен ауырғаны тіркелген, бірақ Шымкентте бұл вирусқа байланысты жағдай анықталмаған. ЖРВИ мен тұмау белгілері бар сырқаттанушылықтың өсімі байқалғанымен, жаңа инфекцияның белең алғаны туралы алаңдауға негіз жоқ. Денсаулық сақтау министрлігі халықты сақтық шараларын сақтауға, әсіресе көпшілік орындарда физикалық байланыстардан аулақ болуға шақырды.

  Қытайда бұл вирус кең таралғанымен, сарапшылар оның тек тұмау маусымындағы респираторлық инфекциялардың бірі екенін және оған байланысты дүрбелең тудырудың қажеті жоқ екенін айтты. ҚР Президенті Қасым-Жомарт Тоқаев та Қытаймен ынтымақтастықты одан әрі жалғастыру қажеттігін атап өтті. 
Тілші: Кенжебаева Гаухар Жақыпқызы