Шымкент қаласы Төтенше жағдайлар департаментінде жаңа тағайындаулар.

Шымкент қаласы Төтенше жағдайлар департаментінде жаңа тағайындаулар

Қазақстан Республикасының Төтенше жағдайлар министрінің 2024 жылғы 27 желтоқсандағы № 667 ж/қ бұйрығына сәйкес, 2025 жылдың 1 қаңтарынан бастап Шымкент қаласы Төтенше жағдайлар департаментінің басшылық құрамында маңызды тағайындаулар болды. Бұл өзгерістер азаматтық қорғау саласындағы тиімділік пен жауапкершілікті арттыру мақсатында жүзеге асырылды.

Бекзат Сейтбекович Камбаров Шымкент қаласы ТЖД бастығының бірінші орынбасары лауазымына тағайындалды.

Бекзат Сейтбекович Камбаров 1978 жылы ОҚО, Сарыағаш ауданы, Абай ауылында дүниеге келген. Ол азаматтық қорғау органдарында 2004 жылдың сәуір айынан бастап қызмет атқарып келеді. Камбаровтың тәжірибесі мен кәсібилігі Төтенше жағдайлар департаментінің жұмысын жаңа деңгейге көтеруге мүмкіндік береді.

Сергей Афанасьевич Огай Шымкент қаласы ТЖД бастығының орынбасары болып тағайындалды.

Огай Сергей Афанасьевич 1981 жылы Қызылорда облысы, Қармақшы ауданында дүниеге келген. Азаматтық қорғау органдарындағы еңбек жолын 2005 жылдың желтоқсан айында бастаған ол, бүгінде Төтенше жағдайлар департаментінің басқару саласындағы мол тәжірибесімен танымал. Оның жаңа лауазымы Төтенше жағдайлар департаментінің тиімді жұмысын қамтамасыз етуге бағытталады.

Ерболат Аканович Кисыков Шымкент қаласы ТЖД бастығының орынбасары лауазымына тағайындалды.

Ерболат Аканович Кисыков 1969 жылы Қостанай облысы, Жарқайын кентінде дүниеге келген. Мемлекеттік қызметте 12 жыл еңбек еткен ол, өз тәжірибесі мен кәсібилігі арқылы Төтенше жағдайлар департаментінің маңызды міндеттерін орындауға үлкен үлес қосатын болады.

Бұл тағайындаулар азаматтық қорғау саласындағы жұмыстың сапасын арттыру мен тиімділігін қамтамасыз ету мақсатында қабылданған маңызды қадамдар болып табылады. 
Тілші: Жүрсінбай Аружан Сабырқызы