5) Түркістан облысында полиция 24 қылмыстық топты ұстады

Түркістан облысында полиция 24 қылмыстық топты ұстады

  Түркістан облысында 2024 жылы жедел-іздестіру және алдын алу іс-шаралары нәтижесінде қылмыстық құқық бұзушылықтар саны 16,8%-ға төмендеді. Криминалдық полицияның әрекетімен сегіз қылмыстық топтың қызметі тоқтатылып, 16 пәтер ұрлығына қатысы бар 40 адам ұсталды. Сонымен қатар, мал ұрлығы бойынша 16 топ жойылып, 40 күдікті ұсталды. Ұрланған 791 бас мал иелеріне қайтарылды.

  Келес ауданында жедел уәкілдер миллион теңгеден астам ұрлық фактісіне қатысы бар төрт күдіктіні ұстап, олардың қолынан ұрланған малдар мен Газель көлігі тәркіленді. Ұйымдасқан қылмысқа қарсы күрес қызметі 13 қылмыстық топтың мүшелері мен көшбасшыларын ұстап, 117 қылмыстық іс бойынша тергеуді жалғастырды. Бұл істердің ішінде бопсалау, қару және есірткі сақтау, жер қойнауын заңсыз пайдалану мен көші-қонды ұйымдастыру деректері бар.

  Экстремизмге қарсы іс-қимыл басқармасының қызметкерлері терроризмді насихаттау мен терроризм актісі туралы жалған хабарлар беру сияқты 24 қылмыстың жолын кесіп, құқық бұзушыларды анықтады. 
 
Тілші: Кенжебаева Гаухар Жақыпқызы