1) Шымкентте су арнасын мемлекетке қайтаруға қатысты пікір екіге бөлінді

Шымкентте су арнасын мемлекетке қайтаруға қатысты пікір екіге бөлінді

  Шымкенттің ауыз су арнасын мемлекет меншігіне қайтаруға қатысты қоғамда пікірлер екіге бөлінді. Қазіргі уақытта бұл мәселені шешу үшін әкімдік пен серіктестік иелері арасында талқылаулар жалғасуда. Қаладағы ауыз су қызметін ұсынатын компания ішкі және магистралды жүйелердің 78%-ін иеленеді. Осыған байланысты әкімдік өкілдері мен мәслихат депутаттары су ресурстарының стратегиялық нысан ретінде жекенің басқаруында болмауы керек деп санайды, себебі аймақтағы су тарифі Алматы мен Астанаға қарағанда әлдеқайда қымбат.

  Қала әкімінің орынбасары Сәрсен Құранбек мәлімдегендей, Алматы мен Астанада ауыз су тарифтері айтарлықтай төмен болғанымен, Шымкентте су бағасы 142 теңгені құрайды. Бұл жағдай серіктестік өкілдерінің айтуынша, компанияның шығындарын өтеу үшін су желілерін жаңғыртуға жұмсалады. Бірақ әкімдік өкілдері мен сарапшылар мемлекеттік меншікте болған жағдайда шығындар артып, тарифтер тағы да көтерілуі мүмкін деп алаңдайды.

  Компания өкілдері өз кезегінде бұл мәселені заң тұрғысынан негіздеуде. “Су ресурстары маркетинг” ЖШС директоры Анарбек Орман, облыстық әкімшіліктің бұл нысанды жекешелендіріп, аукцион арқылы сатқанына тоқталды. Сонымен қатар, компания шетелдік банкке 12 миллиард теңге қарыз екенін айтып, бұл қарызды жабу үшін кепілдік ретінде серіктестіктің жылжымайтын мүлкі мен акциялары қойылғанын атап өтті.

  Мұндай тартысты жағдай соңында жұмыс тобына тапсырылған, ал шешім сот арқылы шығатын болады. Сонымен қатар, бұқара арасында стратегиялық нысанды мемлекетке қайтару немесе серіктестіктің қолында қалдыру туралы екі петиция жарияланып, әрқайсысына 12 мыңнан астам қол жиналған. 
Тілші: Кенжебаева Гаухар Жақыпқызы