Шымкент қаласының әкімі ақын Әкім Ысқақпен кездесті

Шымкент қаласының әкімі ақын Әкім Ысқақпен кездесті

Шымкент қаласының әкімі Ғабит Сыздықбеков ақын, композитор, мемлекет және қоғам қайраткері Әкім Ысқақпен ресми кездесу өткізді. Бұл шара мәдениет пен өнерді қолдау, қоғамда әдебиеттің рөлін арттыру және жас ұрпақты рухани байыту бағытында маңызды оқиғалардың бірі болды.

Кездесу барысында қала әкімі Әкім Ысқақтың қазақ әдебиеті мен өнеріне қосқан үлесін атап өтіп, оның шығармашылығы қазіргі және келешек ұрпаққа үлгі екенін айтты. Әкім Ысқақтың поэзиясы мен қоғамға деген көзқарасы – жастарға рухани бағыт-бағдар беретін маңызды құндылықтар қатарында.

Әкім Ысқақ өз кезегінде Шымкенттің мәдени-рухани орталыққа айналып келе жатқанына ризашылық білдіріп, қала тұрғындарының белсенділігі мен әкімшіліктің қолдауын жоғары бағалады. Сонымен қатар, ол қазақ тілі мен әдебиетін дамытуға, жастардың рухани кемелденуіне қатысты бірқатар ұсыныстарын жеткізді.

Мәдениетті қолдау – Шымкент әкімдігінің басты бағыттарының бірі. Бұл бағытта кітапханаларды жаңғырту, шығармашылық кештер ұйымдастыру, ақын-жазушылармен кездесу сияқты іс-шаралар тұрақты түрде өткізіліп келеді. Қала әкімінің бұл қадамы – рухани құндылықтарды нығайтуға жасалған кезекті қадам.

Әкімдік тарапынан алдағы уақытта да осындай игі шаралар ұйымдастырылып, қазақ мәдениетін насихаттау жалғасын табатыны айтылды. Қоғамдық келісім мен рухани даму жолында мұндай кездесулердің маңызы зор. 
Тілші: Түймебай Аяжан Лениншілқызы