6) ШЫМКЕНТТЕ 400-ГЕ ЖУЫҚ, ЖАС САРБАЗ ОТАНЫНА АДАЛ БОЛУҒА АНТ БЕРДІ

ШЫМКЕНТТЕ 400-ГЕ ЖУЫҚ, ЖАС

САРБАЗ ОТАНЫНА АДАЛ БОЛУҒА АНТ БЕРДІ

  18 қаңтарда ҚР IІМ Ұлттық ұланының 6506 әскери бөлімінде жас толықтырым әскери ант қабылдады. Әскери бөлімнің қатарына еліміздің барлық еңірлерінен қызмет атқаруға келген 400-ге жуық жас сарбаз қосылды.

  Бұл маңызды іс-шара көптеген қонақтарды, соның, ішінде сарбаздардың туған-туыстары мен жақындарын жинады. Осы салтанатты іс-шарамен жас ұландықтарды  6506 әскери бөлімінің, командирі полковник Марат Рахпанов құттықтады.

  - «Бүгін біздің әскери бөлімде салтанатты кун. Әрбір жауынгер үшін әскери ант - бұл өмірдің, бұзылмайтын Заңы, одан ешқандай шегініс болмайды. Ант қабылдай отырып, әскери қызметші Қазақстан халқына және оның заңды түрде сайланған Президентіне адал болуға, Қазақстан Республикасының Конституциясы мен заңдарын қасиетті сақтауға, өзіне жүктелген міндеттерді сөзсіз орындауға міндеттенеді. Сіздерді осы айтулы оқиғамен құттықтаймын және алдағы қызметте табыс тілеймін», - деп атап өтті Марат Оралұлы.

Жас сарбаздардың бірі қатардағы жауынгер Ақжол Рамазан Алматы қаласынан шақырылды. Ол бүгін Қызметтестерінің алдында сөз сөйлеу құрметіне ие болды. 

  - «Отанға адал болуға ант берген күн өмірде бір рет болады. Әскери ант мәтінінде сөз көп емес, бірақ, олардың терең, мағынасы бар. Мен өз Отанымыздың игілігі үшін әскери борышымызды абыроймен және ынтамен орындаймыз деп сенім білдіремін», - деді жас ант беруші. 

 Ic-шараға Алматы қаласынан шақырылған қатардағы жауынгер Руслан Андреев ерекше назар аударды. Мерекенің ортасында ол суйіктісіне өмірлік жары болуға сөз салды. Бұл әсерлі сәт рәсімнің нағыз ерекшелігі болды. Бақытқа толы оның суйіктісі қуанышпен келісіп, жалпы патриоттық, көңіл-күйге романтикалық әсер қосты. Құттықтаулардан кейін жас ұландықтар, әскери оркестрдің, үнімен қадам басып, командирлері мен ата-аналарының алдында салтанатты шерумен өтті.

 Айта кетсек, ант берген сарбаздар жақын арада Шымкент және Түркістан көшелерінде қоғамдық тәртіп пен қауіпсіздікті қамтамасыз ету бойынша міндеттерді орындауға кіріседі. 
Тілші: Кенжебаева Гаухар Жақыпқызы