Ұлы Отан соғысының ардагері Зәкір Мұсаев 100 жасқа толды

Ұлы Отан соғысының ардагері Зәкір Мұсаев 100 жасқа толды

Бүгін Ұлы Отан соғысының ардагері Зәкір Мұсаев 100 жасқа толды. Бұл туралы Sputnik Қазақстан қорғаныс министрлігіне сілтеме жасап хабарлады. Майдангерді құрметті мерейтойымен жергілікті әскери басқару органдарының әскери қызметшілері, Amanat партиясы облыстық филиалының өкілдері, Қарулы күштердің, Ауған және басқа да жергілікті соғыстардың ардагерлері, сондай-ақ "Жас сарбаз" әскери-патриоттық қозғалысының тәрбиеленушілері құттықтап, ардагерге ерекше құрмет көрсетті. Зәкір Мұсаевқа қорғаныс министрінің құттықтау хаты мен естелік сыйлықтар табыс етілді.

Зәкір Мұсаев 1925 жылы 1 қаңтарда Оңтүстік Қазақстан облысы Ескі Иқан ауылында дүниеге келген. Әкесінен ерте айырылған ол, әпкесі Ангирмен бірге ананың тәрбиесінде өсті. 1943 жылы 18 жасында әскер қатарына шақырылып, Петропавлда 44-ші полкте қызмет етіп, сол жылдың қыркүйек айында өз еркімен майданға аттанды.

Майданда көрсеткен ерлігі үшін екі рет жарақат алған ардагер Отан алдындағы ерен еңбегі үшін Отан соғысы орденімен, Қызыл Жұлдыз орденімен және 13 жауынгерлік медальмен марапатталды. Оның Ұлы Отан соғысындағы ерлігі мен батырлығы бүгінгі ұрпаққа үлгі болып қала береді. Мерейтойы қарсаңында Зәкір Мұсаевтың қызметіне, өмірлік белестеріне құрмет көрсетіліп, оны еске алу шаралары ұйымдастырылды. 
Тілші: Жүрсінбай Аружан Сабырқызы