10) ТҮРКІСТАН: Төлебиде ғасыр жасаған қарияларға құрмет көрсетілді

ТҮРКІСТАН: Төлебиде ғасыр жасаған қарияларға құрмет көрсетілді

  Төлеби ауданында 100 жастан асқан қазыналы қариялар мерекелеріне орай құттықталды. Аудан әкімі Еркеғали Әлімқұлов Көксәйек ауылдық округінің тұрғындары – 105 жастағы Құралай Оразбаева мен 101 жастағы Пернекүл Бектеміроваға арнайы барып, олардың мерейлі жасымен құттықтады. Әкім қариялардың ұзақ өмірінің мән-маңызы, ұрпағының қуанышы мен бақыты туралы тілектерін жеткізіп, денсаулық пен бақыт тіледі.

  Құралай Оразбаева 7 баланы тәрбиелеп, 30 немере, 31 шөбере, 4 шөпшек сүйген, ал Пернекүл Бектемірова 3 баланы өсіріп, 7 немере, 27 шөбере мен 5 шөпшекке ие. Әжелердің өмір жолы еңбекке толы, олар туған күндерінде аудан басшысына алғыстарын айтып, ақ баталарын берді. Төлеби ауданында жүз жасқа жеткен және одан асқан 10-ға жуық қария бар. 
Тілші: Кенжебаева Гаухар Жақыпқызы