Шымкентте көші-қон бағдарламасы бойынша алты отбасы жаңа пәтерге қоныс аударды

Шымкентте көші-қон бағдарламасы бойынша алты отбасы жаңа пәтерге қоныс аударды

Шымкент қаласында тұрғын үй жағдайларын жақсарту бағытындағы жұмыстар жалғасуда. Қала әкімі Мұрат Әйтенов Нұрлыбаев көшесінде тұратын алты отбасыға жаңа пәтер кілттерін табыстады. Бұл – қала әкімі Ғабит Сыздықбековтің тапсырмасымен өткен жылы басталған Көксай шағын ауданын жаңғырту тұжырымдамасының бір бөлігі. Реновация бағдарламасының бірінші кезеңі аясында көппәтерлі үйлердің тұрғындары «Green City» тұрғын үй кешеніндегі жаңа пәтерлерге көшірілуде.

Қала басшысы қоныс тойымен құттықтап, бұл шаралардың қаланың көркейіп, тұрғындардың әлеуметтік жағдайын жақсартудағы маңызды қадамы екенін атап өтті. Тозығы жеткен тұрғын үй иелері жаңа ғимараттан бұрынғы пәтерлерімен көлемі мен бөлмелері бірдей, толық жабдықталған пәтерлер алуда. Өткен жылдан бастап жүзеге асырылып жатқан шағын ауданды жаңғырту тұжырымдамасы нәтижесінде қазірдің өзінде 14 отбасы тұрмыс жағдайын жақсартты.

Көксай шағын ауданын дамыту тұжырымдамасы аумақты кезең-кезеңімен абаттандыруды, аудан әкімдігінің ғимараттары мен басқа да әлеуметтік нысандардың құрылысын қамтиды. Бұл бағдарлама қала тұрғындарының өмір сүру сапасын арттыруға бағытталған кешенді жоба болып табылады. 
Тілші: Жүрсінбай Аружан Сабырқызы