8) Президент «Әкімдер мектебі» жобасын іске қосуды тапсырды

Президент «Әкімдер мектебі» жобасын іске қосуды тапсырды

  Президент Қасым-Жомарт Тоқаев Үкіметтің кеңейтілген отырысында әкімдерді тікелей сайлау нәтижесінде мемлекеттік қызметшілердің жаңа санаты – сайланатын басшылар пайда болғанын атап өтті. Бұл өзгеріс 2,5 мыңнан астам басшы лауазымындағы қызметкерді қамтып, олардың арасында мемлекеттік қызметте бұрын жұмыс істемеген азаматтар мен жастардың саны көп екенін көрсетеді. Осыған байланысты, сайланған әкімдер мен түрлі деңгейдегі басшыларды кешенді дайындықтан өткізу мәселесі өзекті болып тұр. Мемлекет басшысы бұл бағытта Үкіметке және Мемлекеттік қызмет істері агенттігіне «Әкімдер мектебі» оқыту жобасын іске қосуды тапсырды.

  Сонымен қатар, Мемлекет басшысы мектептердің ваучерлік тәсілмен қаржыландырылуы мүмкін екендігін де тілге тиек етті. Бұл тәсіл білім беру жүйесін тиімді ұйымдастыруға бағытталған жаңа қадам болып табылады. 
Тілші: Кенжебаева Гаухар Жақыпқызы