Шымкенттегі жаңа өндіріс – құрылыс индустриясын қолдау

Шымкент қаласында «Жол картасы – 2025» мемлекеттік бағдарламасы аясында іске қосылған маңызды жобалардың бірі – «Business Plas» ЖШС кәсіпорны. Құны 5 миллион теңгені құрайтын бұл жоба отандық өндірісті қолдау мен индустриялық әлеуетті арттыруға бағытталған.

Кәсіпорын түйіршікті көбіктендірілген стирол өндірумен айналысады. Бұл материал құрылыс, орау, жылу оқшаулау және өнеркәсіптің басқа да салаларында кеңінен қолданылады. Заманауи технологияларға негізделген өндіріс процесі өнімнің жоғары сапасын, экологиялық қауіпсіздігін және нарықтағы сұранысқа сай болуын қамтамасыз етеді.

«Business Plas» компаниясының өнімдері:

* Энергия үнемдеуді арттыруға,
* Құрылыс нысандарының сапасын жақсартуға,
* Өнімдердің қауіпсіз тасымалын қамтамасыз етуге септігін тигізеді.

Бұл жоба жергілікті экономиканы әртараптандыруға, жаңа жұмыс орындарын ашуға және отандық өндірісті дамытуға елеулі үлес қосуда.

Мемлекеттік қолдау мен кәсіпкерлік бастамалардың үйлесімділігі Шымкент қаласының өндірістік әлеуетін арттырып, өңірдің бәсекеге қабілеттілігін нығайтуға жол ашуда.

Тілші : Алимбетов Азамат