ТҮЗЕТУ МЕКЕМЕЛЕРІНДЕ ЗАУЫТ САЛУ МҮМКІНДІКТЕРІ ТАЛҚЫЛАНДЫ

Шымкент қаласында түзету мекемелеріндегі жазасын өтеуші азаматтарды жұмыспен қамту мәселесіне арналған кеңес өтті. Іс-шараға қаланың бірқатар кәсіпкерлері мен бизнес өкілдері қатысты.

Кездесу барысында кәсіпкерлерге түзету мекемелерінің аумағында өндірістік зауыттар мен цехтар ашу бойынша нақты мүмкіндіктер мен қолдау тетіктері түсіндірілді. Атап айтқанда, дайын инфрақұрылымның бар екені, 500-ден астам жұмыс күшінің қолжетімділігі, салықтық жеңілдіктер мен мемлекеттік қолдау шаралары туралы жан-жақты ақпарат берілді.

Кәсіпкерлер тарапынан қойылған барлық сұрақтарға толық жауаптар беріліп, әріптестік орнатудың тиімді жолдары қарастырылды. Бұл бастама түзету мекемелеріндегі азаматтардың әлеуметтік бейімделуіне және кәсіпкерлікті дамытуға ықпал ететін маңызды бағыт ретінде бағаланып отыр.

Кездесу қорытындысы бойынша бірқатар бизнес құрылымдары тарапынан ынтымақтастыққа қызығушылық танытылып, тиісті ұсыныстар қаралуда.

Тілші : Алимбетов Азамат