ТҰРАН АУДАНЫНДА ИРРИГАЦИЯ ЖҮЙЕСІН САЛУ ЖАЛҒАСУДА

Тұран ауданы аумағында жалпы ұзындығы 697 шақырымдық 597 көше бар. Осы көшелердің бойын ирригациялық инфрақұрылыммен қамтамасыз ету жұмысы жүргізіліп келеді.

Биыл 50 көшенің бойына 20,5 шақырым ирригациялық жүйе салу жоспарланып, қазіргі таңда 46 көшедегі 19,5 шақырым арықтың құрылысы аяқталды. Осылайша бүгінде аудандағы 153 көшеге жалпы ұзындығы 114 шақырым суағар жүйе салынған.

Қалған 4 көшедегі жұмыс желтоқсан айына дейін толық аяқталады.

Айта кетейік, 2024 жылы ауданда 43 көшеге 18,1 шақырым ирригациялық жүйе жүргізілген болатын.