Байланысқа арналған телефондар:
» » ТӘЖІСТАННЫҢ ӨНЕР ЖҰЛДЫЗДАРЫ ШЫМКЕНТ САХНАСЫН ӘНГЕ БӨЛЕДІ

ТӘЖІСТАННЫҢ ӨНЕР ЖҰЛДЫЗДАРЫ ШЫМКЕНТ САХНАСЫН ӘНГЕ БӨЛЕДІ

27 август 2023, Воскресенье
1 706
0
Тәжікстанның Қазақстандағы мәдениет және өнер күндері бүгін Шымкент қаласының Түркістан мәдениет сарайында жалғасып тапты. Жексенбілік өнер кешіне Тәжікстан Республикасының мәдениет министрі Зульфия Давлатзодамен бірге арнайы келген бір топ делегация өкілдері қатысты. Мерекелік кеште екі елдің ежелгі достығы мен бауырмалдығы құрметіне Шымкент қаласы әкімі Мұрат Әйтеновтің ықылас гүл шоғы табыс етілді.  
 Тәжік ұлттық киімімен мың бұрала би билеп, шығыс әуендерін әуелеткен концертте Тәжікстан Республикасының мәдениет және өнер жұлдыздары ән шырқады. Тәжіктің ұлттық аспаптары сырнай, дутар, танбур, рубаб пен дойраның сүйемелдеуімен дәстүрлі әндері орындалды. Сондай-ақ, қазақ халқының алтын қорынан «Әгугай» әніне тәжік қыздары би билеп, эстрадалық әнші Бейбіт Қорғанның репертуранындағы «Шоқ қыздар» әнін өнер жұлдыздары жандыра, әрі қосыла орындап, сахна төрін шаттыққа көмкерді. 
 Осылай өнер қайраткерлері әзірлеген мерекелік салтанатты кеш Шымкент жұртшылығына керемет әсерлі көңіл-күй сыйлады. Сонымен қатар, Түркістан сарайы фойесінде тәжік халқының шығармашылығы, ұлттық киімдері, тарихи фото туындылары  көрмеге қойылды.
Шетелдік делегация өкілдері өздерімен бірге дарынды халық өнерпаздарын ала келіп, бізді одан сайын тәнті етті. Олардың концерті іс-шарамызды қуат пен сұлулыққа толтырып, нағыз өнер мерекесіне айналды. Әртістер өз елінің рухы мен мәдениетін музыка, би және вокал арқылы жеткізе отырып, дәстүрлі және заманауи элементтердің таңғажайып үйлесімін ұсынды. Көрермендер орындаушылардың кәсіби шеберлігіне тәнті болып, концерт мәдениеттеріміздің арасындағы ерекше көпір болды. Бұл ұмытылмас тәжірибе жасап, елдеріміз арасындағы байланысты нығайта отырып, достық пен өзара сыйластықтың тамаша көрінісі.

Тілші: Бахытжан Копбаев
Ақпарат көзі:Шымкент қаласы әкімінің баспасөз қызметі
Обсудить
Добавить комментарий
Комментарии (0)
Прокомментировать