Шымкент. Азаматтық қоғамның дамуы – кез келген мемлекеттің демократиялық жүйесін нығайту мен әлеуметтік-экономикалық тұрақтылықты қамтамасыз етуде маңызды рөл атқаратын үдеріс.

Азаматтық қоғамның дамуы – кез келген мемлекеттің демократиялық жүйесін нығайту мен әлеуметтік-экономикалық тұрақтылықты қамтамасыз етуде маңызды рөл атқаратын үдеріс. Азаматтық қоғам – бұл мемлекеттен тәуелсіз, бірақ онымен өзара іс-қимыл жасайтын қоғамдық ұйымдар мен бірлестіктердің, азаматтардың құқықтары мен бостандықтарын қорғау және қоғамдағы маңызды мәселелерді шешу мақсатында құрылған топтардың жиынтығы. Қазақстанда азаматтық қоғамды дамыту елдің демократиялық дамуының маңызды элементі болып табылады.

    Азаматтық қоғам дамуының басты бағыттары:
  Қазақстандағы азаматтық қоғамның негізгі бөлігі – түрлі үкіметтік емес ұйымдар (ҮЕҰ), қоғамдық бірлестіктер және азаматтық бастамалар. Бұл ұйымдар азаматтардың құқықтарын қорғауда, қоғамдағы маңызды мәселелерді шешуде және үкіметпен диалог орнатуда белсенді рөл атқарады.  

ҮЕҰ-ға қаржылай қолдау көрсету арқылы мемлекет олардың тұрақты дамуына ықпал етеді. Мысалы, жыл сайын әлеуметтік жобаларды жүзеге асыруға арналған гранттар беріледі, бұл қоғамдық ұйымдардың әлеуетін арттырып, әлеуметтік маңызды мәселелерді шешуге мүмкіндік береді. Азаматтар өз құқықтарын білуі және оларды қорғай алуы тиіс деп ойлаймын. Себебі, бұл азаматтық қоғамның негізгі міндеттерінің бірі. Құқықтық кеңес беру, құқықтық семинарлар мен тренингтер өткізу арқылы азаматтардың заңды мәселелер бойынша білім деңгейін арттыру маңызды.

  Халықаралық ұйымдармен ынтымақтастық орнату арқылы Қазақстан азаматтық қоғамның дамуының озық үлгілерін енгізуге ұмтылады. Біріккен Ұлттар Ұйымы, Еуропалық Одақ және басқа да халықаралық ұйымдармен бірлескен жобалар азаматтық қоғамның әлеуетін арттыруға және оны қолдауға бағытталған.

Азаматтық қоғамның дамуының маңызды элементі – азаматтардың мемлекеттік басқару және шешім қабылдау үдерістеріне қатысуы. Қазақстанда қоғамдық кеңестер арқылы азаматтар мен ҮЕҰ өкілдері мемлекеттік органдардың жұмысын бақылауға және маңызды мәселелер бойынша ұсыныстар беруге мүмкіндік алады. Сонымен қатар, бұл қоғамдық бақылаудың тиімді механизмі болып табылады және де мемлекеттің ашықтығы мен есептілігін қамтамасыз етеді.

Қорытынды

Қазақстандағы азаматтық қоғамның дамуы елдегі демократиялық үдерістердің нығаюына, азаматтардың құқықтары мен бостандықтарын қорғауға, және қоғамдағы өзекті мәселелерді шешуге үлкен үлес қосуда. Мемлекет пен азаматтық қоғам арасындағы ынтымақтастық, ҮЕҰ-ны қолдау, азаматтардың құқықтық сауаттылығын арттыру және еріктілік қызметін дамыту арқылы Қазақстан азаматтық қоғамның тұрақты дамуына бағытталған бірқатар қадамдар жасап келеді. Азаматтық қоғамның одан әрі дамуы елдегі саяси тұрақтылық пен әлеуметтік әділеттілікті қамтамасыз етуге ықпал етеді.

Тілші: Кенжебаева Гаухар Жақыпқызы