Шымкент қаласындағы ауыз су мәселесі

 Шымкент қаласындағы ауыз су мәселесі соңғы жылдары маңызды тақырыптардың бірі болып отыр. Қалада ауыз сумен қамтамасыз ету жұмыстары бірнеше деңгейде жүзеге асырылуда және де мемлекеттік бағдарламалар мен жергілікті әкімдік қолдауымен жетілдірілуде. Қаланың климаты құрғақ, ал су ресурстары шектеулі болғандықтан, халық санының өсуі ауыз суға деген сұранысты арттырды. Бұл жағдай жаңа су көздерін іздеу, су құбырларын жаңғырту және су тазарту жүйелерін жетілдіруді талап етеді.

 Шымкент – Қазақстандағы ірі қалалардың бірі болғандықтан  халық санының өсуіне байланысты ауыз суға деген сұраныстары да артып келеді. Шымкент қаласында 230 мың есептегіш құрал орнатылған су тұтынушы абонент бар. Қаланың инфрақұрылымы бұл өсімді қамтамасыз етуге жеткіліксіз болуы мүмкін. Қалада табиғи су көздерінің шектеулі болуы ауыз су жеткізу мәселесін қиындатады. Бұл Шымкенттің климаттық жағдайына байланысты, өйткені қала айналасында тұрақты су көздері аз.
Қаламыздағы ауыз су құбырларының 47 пайызы тозған. Су құбырларының ескіруі мен тозуы су жоғалтуды арттырады, ал бұл жағдай таза судың тиімді жеткізілуіне кері әсерін тигізеді. Сонымен қоса, құбырларды жаңғырту жұмыстары көп қаражат пен уақытты талап етеді. Кейбір аудандарда су сапасы қажетті стандарттарға сай болмауы мүмкін.
Қала билігі жаңа жерасты және жерүсті су көздерін іздестіруде. Су қоймаларын салу арқылы қаланың сумен қамтылуын жақсартуы мүмкін. Су тазарту қондырғыларына заманауи технологияларды енгізу арқылы судың сапасын жақсартуға болады. Ең алдымен, бұл шаралар суды ластанудан қорғауға, халыққа сапалы ауыз су жеткізуге ықпал етеді.
Шымкент қаласының су мәселелерін шешу үшін мемлекеттік қолдау мен инвестиция тарту қажет. Жеке сектордың қатысуы су құбырларын жаңғырту, су қоймаларын салу және тазарту технологияларын жетілдіру жұмыстарын жылдамдатуға көмектеседі.

Қорытынды: Шымкенттегі ауыз су мәселесі жүйелі түрде қарастырылуда, бірақ мәселенің түбегейлі шешілуі үшін кешенді тәсіл қажет. Қаланың инфрақұрылымын жаңғырту, жаңа технологияларды енгізу және су үнемдеуді насихаттау арқылы бұл мәселені біртіндеп шешуге болады.


Тілші: Кенжебаева Гаухар Жақыпқызы