Шымкент қаласы Қазақстанның қуатты өңірлерінің бірі ретінде ел дамуының негізгі драйверіне айналып отыр.

   Шымкент қаласы Қазақстанның қуатты өңірлерінің бірі ретінде ел дамуының негізгі драйверіне айналып отыр. Шымкенттің қуатты өңір ретінде ел дамуының драйвері ретіндегі рөлі бірнеше негізгі бағыттарда көрінеді. Қала экономикасы, әлеуметтік саласы, инфрақұрылымы мен экологиялық жағдайы бойынша маңызды жетістіктерге қол жеткізіп, еліміздің дамуына зор үлес қосуда. Бұл үрдіс алдағы уақытта да жалғасын тауып, Шымкенттің болашағы жарқын болып қала бермек.

   Өңірлердегі өзекті мәселелерді шешуді көздейтін «Қуатты өңірлер – ел дамуының драйвері» атты ұлттық жобаның мақсаты айқын. Бұл жоба 2021 жылы іске қосылды. Бүгінде Шымкент қаласында осы жоба аясында атқарылып жатқан жұмыстардың ауқымы кең.
    2025 жылға қарай маңызды нәтижелердің бірі –қаржыландырудың барлық көздерінен 236,7 мың отбасының жағдайын жақсарту болмақ. Қалалар мен ауылдарды сумен жабдықтау қызметтеріне 100% қолжетімділікті қамтамасыз ету. Ауылдық жерлерде тиімдірек болады. Өйткені қазір «Ауыл – ел бесігі» жобасы аясында инфрақұрылымның барлық түрлерін жаңғыртуға қомақты инвестициялар бағытталуда. Жалпы қалаларда инфрақұрылымның жағдайы жақсырақ. Бірақ сонымен бірге ірі қалалардың шеттерін жайластыру, нөсерлі кәріз құбырларын қайта құру, «ескі орамдарды» жөндеу және апатты (тозығы жеткен) тұрғын үйлерді (251 үй) бұзу секілді өзекті мәселелері шешілетін болады.
    Қала әкімі Ғабит Сыздықбеков 60 мыңнан астам халқы бар тұрғын алабына газ берілу іс-шарасына қатысты. Тұрғындар осыған дейін сұйытылған газды күнделікті қолданып келген. 
    Газ құбырының құрылысы 2022 жылы басталған. Қала әкімі халықты сапалы қызметпен қамтуда жауапты тұлғаларға газ құбырын ерте кезеңде пайдалануға беруді жеделдетуді тапсырды. 
    Айта кетейік, бүгінде абоненттердің 60% көгілдір газға қол жеткізді, ал 40% - ы биыл қараша айының соңына дейін қосылады. Тұрғындар қазірден қосылуға өтініш бере алады. 
    Сонымен қатар, осы жылдың соңына дейін Ынтымақ-2, Тассай, Бозарық және Көктөбе шағын аудандарының тұрғындарын көгілдір отынмен қамтамасыз ету жоспарлануда.    
    2022 жылы Шымкентті газдандыру бағдарламасы аясында газ құбырын салу туралы шешім қабылданды. Бұл жоба қала маңын тұрақты әрі экологиялық таза отынмен қамтамасыз етуді мақсат тұтады. Алайда құрылыс жұмыстары бірқатар қиындықтарға тап болды, оның ішінде кейбір учаскелердегі жұмыстың баяулауы мен мердігерлердің тиімсіздігі болды, бұл тұрғындардың жоба іске асырылуының мерзімдері туралы сұрақтар туғызды.   
    “Қайнарбұлақ” газдандыру жобасы Шымкенттегі газбен жабдықтауды жақсарту бойынша кең ауқымды бағдарламаның бір бөлігі болып табылады. Келесі бірнеше ай ішінде “Ынтымақ-2”, “Тассай”, “Бозарық” және “Көктөбе” тұрғын алаптары да табиғи газбен қамтамасыз етіледі. Жыл соңына дейін газға қосылған үй шаруашылықтарының саны айтарлықтай арттырылады деп жоспарлануда. Бұл жоба тек тұрғындардың өмір сапасын жақсартуға ғана емес, сондай-ақ көмір мен отын қолданумен байланысты шығарындыларды азайту арқылы экологиялық жағдайды да жақсартуға мүмкіндік береді. 
   Ұзақ мерзімді перспективада Шымкент барлық шалғай елді мекендерді газбен қамтамасыз етуге ұмтылып, энергия ресурстарының тапшылығын шешіп, қала тұрғындарының өмір сүру деңгейін арттыруды мақсат етеді.
   Шымкент қаласындағы Шымсити шағын ауданында жарықтандыру жұмыстары қарқынды түрде жүргізілуде. 
   Бұл бастама қаланың қауіпсіздігін арттырып қана қоймай, тұрғындардың күнделікті өмірін жайлы етуге және түнгі уақытта шағын ауданның ажарын ашуға бағытталған. 
   Жарықтандыру жобасы аясында заманауи шамдар орнатылып, көше мен аула аймақтары толықтай қамтылуда. Бұл жұмыстар тек инфрақұрылымды жақсарту емес, сонымен қатар тұрғындардың өмір сапасын арттырудың маңызды қадамы.    
   Қаланы көркейту жолында атқарылып жатқан ауқымды жұмыстардың нәтижесінде Шымсити Шымкенттің ең жарық әрі қауіпсіз аудандарының біріне айналмақ!
    Қорытынды: Шымкент қаласының газдандыру мен қоғамдық көлік саласындағы жетістіктері қаланың инфрақұрылымын жетілдіруге бағытталған маңызды қадамдар болып табылады. Қайнарбұлақ, Тассай және Еламан тұрғын алаптарын газдандырудың екінші кезеңі тұрғындардың өмір сапасын арттыруға, экологиялық жағдайды жақсартуға және қала экономикасын дамытуға әсер етеді. Газды пайдалану кезінде қауіпсіздік шараларының сақталуы маңызды екені атап өтілді.
    Қоғамдық көлік саласындағы жаңартулар да көңіл қуантады. 2024 жылы қоғамдық көліктерге 19 жаңа автобус қосылып, автопаркті жаңарту жұмыстары жалғасуда. Газбен жабдықталған автобустардың санының артуы экологиялық мәселелерді шешуге ықпал етеді. Сонымен қатар, қоғамдық көлікте жеңілдік карталарының енгізілуі және төлем жүйесінің толықтай электронды форматқа ауысуы қала тұрғындары үшін ыңғайлы жағдайлар жасап, көлік қызметінің тиімділігін арттырады.

Тілші: Кенжебаева Гаухар Жақыпқызы