4) ШЫМКЕНТ: Кәсіпкерлер палатасында жекеменшік білім беру ұйымдарының қауіпсіздігі мәселелері талқыланды

ШЫМКЕНТ: Кәсіпкерлер палатасында жекеменшік білім беру ұйымдарының қауіпсіздігі мәселелері талқыланды

   Шымкент қаласында білім беру саласындағы кәсіпкерлердің салалық кеңесінің алғашқы отырысы өтті. Жиында жекеменшік білім беру ұйымдарының бейнебақылау жүйелерін жедел басқару орталығына (ЖБО) қосу мәселесі талқыланды. Полиция департаменті өкілдері бұл мәселеде бейнекамералардың сапасы мен қосылу тәртібі бойынша қиындықтар бар екенін айтты. Қазіргі таңда мемлекеттік мектептердің көпшілігі бір компания арқылы қосылған, ал жекеменшік мектептер түрлі провайдерлер арқылы қосылады. Осыған орай, білім беру ұйымдары ЖБО-ға қосылу үшін тиісті лицензиясы бар қызмет берушіні тауып, солар арқылы қосылуы керек.

  Кәсіпкерлер палатасы мен басқа да қатысушылар тиісті шешім қабылдау үшін жұмыс тобын құрып, бірлесіп әрекет етуге келісті. Ал білім беру басқармасы осы үдерісті үйлестіріп, қажетті шараларды қабылдауы тиіс. 
 
Тілші: Кенжебаева Гаухар Жақыпқызы