8) Түркістан облысының тұрғыны гүл өсіруді үлкен кәсіпке айналдырды

Түркістан облысының тұрғыны гүл өсіруді үлкен кәсіпке айналдырды

  Дильназ Омарова – Түркістан облысының Сауран ауданы, Қарашық ауылының тұрғыны, бөлме гүлдерін өсіріп, кәсіпке айналдырған ерекше еңбек адамы. Үш баланың анасы алғашында қызығушылықпен бастаған бұл ісін небәрі үш жылда үлкен бизнеске айналдырған. Алғашында тек отбасының қажетіне қарай гүл өсірген келіншек, адал еңбек пен шынайы ынта арқасында үлкен жетістіктерге қол жеткізді. Бүгінде оның жылыжайында роза, хризантема, лотус, пиония, шырша мен жеміс ағаштары өсіріледі.

  Дильназ Омарова кәсіпкерлік жолында Түркістан облысында бөлме гүлдерін өсіріп жатқан алғашқы адам болып шықты. Өз өнімін алдағы уақытта көршілес елдерге экспорттайтын кәсіпкердің жылыжайында 40-тан астам адам жұмыс істейді. Өзі де жұмысшыларға гүл өсірудің қыр-сырын үйретіп, әрқайсысын жеке күтіммен тәрбиелеуді қолға алған.

  Қазір кәсіпкердің жылыжайы 1,5 гектар аумақты қамтиды, ал бастапқыда ол 5 соттық жерде ғана жұмыс істеген. Ол өзінің табысты болу сыры ретінде әрқашан сапалы қызмет көрсету және қолжетімді бағаларды ұсынады. Мысалы, Голландиядан алынған аналық гүлдер мен олардың ерекше күтімі осы бизнеске сұраныстың артқанын түсіндіреді. «Гүл де адам сияқты күтіп-баптауды ұнатады», – дейді ол.

   Дильназ Омарова кәсіпкерлігін кеңейту мақсатында мемлекет тарапынан ешқандай көмек алмай, барлығын өз күш-қайратымен атқарып келеді. Оның болашақтағы мақсаты – Түркістан қаласында ботаникалық гүл бағы ашу. Осы мақсатта ол қажетті жер телімін іздестіріп жүр. Бұл мысал, шынайы ықылас пен адал еңбек арқылы кез келген кәсіпті табысты етуге болатынын көрсетеді. 
Тілші: Кенжебаева Гаухар Жақыпқызы