Шымкентте заңсыз шығарылған активтер есебінен 300 орындық жатақхана салынады

Шымкентте заңсыз шығарылған активтер есебінен 300 орындық жатақхана салынады

  Шымкентте заңсыз шығарылған активтер есебінен 300 орындық жаңа жатақхана салынады. Үкімет Арнаулы мемлекеттік қордан 2,6 млрд теңгеден астам қаражат бөлді. Бұл жатақхана «Сайрам көмекші мектеп-интернат-колледжі» кешенінің қажеттіліктерін қамтамасыз ету үшін салынуда. Қазіргі уақытта оқу орнында 363 оқушы бар, бірақ жатақхана тек 120 адамға арналған, нәтижесінде 67 оқушы үйде оқуға мәжбүр.

  Жаңа ғимаратта ұлдар мен қыздарға арналған бөлек блоктар, медициналық блок, асхана және басқа да қажетті бөлмелер болады. Бұл құрылыс оқу орнында орын тапшылығын жоюға, сондай-ақ ерекше қажеттіліктері бар балаларға сапалы білім алу үшін қолайлы жағдай жасауға мүмкіндік береді. Жобаның іске асырылуы балалар мен олардың ата-аналары үшін үлкен қолдау болары сөзсіз. 
Тілші: Жүрсінбай Аружан Сабырқызы