Шымкентте 64 млн теңге жымқырған мектеп есепшісі 8 жылға сотталды

Шымкентте 64 млн теңге жымқырған мектеп есепшісі 8 жылға сотталды

  Шымкентте мектеп есепшісі 64 миллион теңге жымқырғаны үшін 8 жылға сотталды. Бұл туралы Шымкент қаласы бойынша экономикалық тергеп-тексеру департаментінің басшысы Дәурен Тұрғынбай хабарлады. Қылмыстық іс барысында мектеп есепшісі мектеп директорының электронды кілтін пайдаланып, қазынашылық жүйесіне жалған ақпарат енгізіп, бюджет қаражатын өзінің және таныстарының есепшоттарына аударып отырған.

  Сот үкімімен есепші ҚР ҚК-нің 189 бабы 4 бөлігі бойынша кінәлі деп танылып, 8 жылға бас бостандығынан айыру жазасы тағайындалды. Мектеп директорының электронды кілтін бергені үшін тәртіптік жауапкершілікке тартылғаны айтылды. Сонымен қатар, білім саласында басқа да қылмыстық істер тергеліп, заңды шешімдер қабылдануда. 
Тілші: Жүрсінбай Аружан Сабырқызы