6) Түркістан әуежайының әлеуетін көтеру жолдары қаралды

Түркістан әуежайының әлеуетін көтеру жолдары қаралды

  Түркістан облысында көлік инфрақұрылымын дамыту аясында әуежайдың әлеуетін арттыру мәселелері қаралды. Түркістан әуежайын дамыту үшін жаңа рейстер ашу және әуежай қызметін жетілдіру жоспарлары талқыланды. Бұл туралы Түркістан облысының әкімі Нұралхан Көшеровтің төрағалығымен өткен жиында шешімдер қабылданды. Облыс басшысы әуежайдың мүмкіндіктерін арттыру және инвесторлармен тиімді әріптестік орнату қажеттігін айтты.

  Қазіргі уақытта әуежайға қатысты бірнеше әуе компаниясымен келіссөздер жүргізілуде. Түркістанға ішкі рейстерді көбейту мақсатында Қостанай – Түркістан және Қарағанды – Түркістан бағыттарында субсидияланатын рейстер ашу жоспарланған. QAZAQ AIR әуе компаниясы 4 қаңтардан бастап Қостанай – Түркістан бағыты бойынша рейстерді іске қосқан, ал 13 қаңтардан бастап Қарағанды – Түркістан және Астана – Түркістан бағыттарындағы рейстер де іске қосылады. Бұл шаралар Түркістандағы ішкі туризмді дамытуға, сондай-ақ қала мен облыстың көлік саласын дамытуға септігін тигізетін болады. 
Тілші: Кенжебаева Гаухар Жақыпқызы