5) ТҮРКІСТАН: Сауранда жиһаз кластері қарқынды дамуда

ТҮРКІСТАН: Сауранда жиһаз кластері қарқынды дамуда

  Түркістан облысының әкімі Нұралхан Көшеров Сауран ауданында «EDEM MEBEL» жиһаз фабрикасының жұмысымен танысты. Бұл фабрика корпустық жиһаздар шығару саласында қызмет етіп, аймақтың өнеркәсіптік дамуына маңызды үлес қосуда. Көшеров фабриканың сапалы өнім шығару және жаңа жұмыс орындарын қамтамасыз ету бағытындағы жұмысын жоғары бағалап, кәсіпорындардың дамуына қажетті қолдау көрсету маңызды екенін атап өтті.

  Фабрика директоры Икбол Абишев кәсіпорынның жұмысын таныстырып, қазіргі уақытта 40 тұрақты қызметкердің жұмыс істейтінін және олардың орташа айлық жалақысы 200 мың теңгені құрайтынын жеткізді. Фабриканың жылдық қуаттылығы 10 мың дана жиһазды құрайды, ол Шымкент қаласы мен Түркістан, Қызылорда облыстарында жоғары сұранысқа ие. Фабрика өңірдегі еңбек нарығында тұрақты жұмыс орындарын ұсынып, аймақ экономикасының дамуына ықпал етуде. 
Тілші: Кенжебаева Гаухар Жақыпқызы