9) Нұралхан Көшеров Түркістандағы құрылыс алаңдарын аралады

Нұралхан Көшеров Түркістандағы құрылыс алаңдарын аралады

  Түркістан облысының әкімі Нұралхан Көшеров облыс орталығында бой көтеріп жатқан бірнеше маңызды әлеуметтік нысанның құрылыс алаңдарында болып, жұмыс барысын тексерді. Ол мердігерлермен кездесіп, құрылыс жұмыстарын сапалы және бекітілген кестеге сәйкес аяқтауды тапсырды.

  Түркістан қаласында жаңа Оңалту орталығының құрылысы 2023 жылдың қыркүйек айында басталған болатын. Орталықта балаларға арналған ойын алаңы мен заманауи жабдықтар қарастырылған. Бұл нысан жақында ел игілігіне беріледі. Сонымен қатар, облыс орталығында 10 мың шаршы метр аумақта Мәдениет үйінің құрылысы жүруде, құрылыс жұмыстары биыл аяқталады деп жоспарлануда.

  Облыс әкімі, сондай-ақ, 570 төсек-орындық көпбейінді облыстық аурухананың құрылысымен танысты. Заманауи үлгіде салынып жатқан бұл аурухана тұрғындардың ем алуына барлық жағдайды қамтамасыз етуді көздейді. Түркістан облысындағы халық саны 2 миллионнан асатынын ескере отырып, жаңа әлеуметтік нысандардың іске қосылуы өте маңызды екенін атап өтті. Жұмыс қарқынын күшейтіп, сапалы құрылыс материалдарын пайдалануды тапсырды. 
Тілші: Кенжебаева Гаухар Жақыпқызы