3) Түркістандық полицейлер жолаушыдан 2 келі есірткі тәркіледі

Түркістандық полицейлер жолаушыдан 2 келі есірткі тәркіледі

  Түркістан облысында полиция қызметкерлері жолаушыдан 2 келі есірткі тәркіледі. Оқиға Батыс Еуропа - Батыс Қытай трассасында “Сауран” бекетінің маңында орын алды. Түркістан облысы полициясының жедел уәкілдері “Тойота Камри” көлігін тоқтатқан кезде, көліктің жолаушысы 42 жастағы Қызылорда облысының тұрғыны болып шықты.

  Тексеру барысында жолаушыдан үш полиэтилен пакет табылды. Пакеттерден алынған заттың салмағы шамамен 2 келі болып, ол “кептірілген марихуана” екені анықталды. Осы факті бойынша қылмыстық іс қозғалып, күдікті қамауға алынды. Қазіргі уақытта оқиғаның барлық мән-жайын анықтау үшін жедел-тергеу іс-шаралары жүргізілуде. 
Тілші: Кенжебаева Гаухар Жақыпқызы