2) Түркістан облысының Түлкібас ауданына жаңа әкім тағайындалды

Түркістан облысының Түлкібас ауданына жаңа әкім тағайындалды

  Түлкібас ауданының әкімі болып Асқар Сұлтанұлы Естібаев тағайындалды. Бұл туралы Түркістан облысының әкімі Дархан Сатыбалды аудан активіне жаңа әкімді таныстырды. Аудандық мәслихат депутаттары Асқар Естібаевтың кандидатурасына қолдау білдірді. Түлкібас ауданының бұрынғы әкімі Нұржан Жақсылықұлы Ізтілеуов басқа қызметке ауысуына байланысты қызметінен босатылды.

  Асқар Естібаев 1974 жылы Түлкібас ауданында дүниеге келген, жоғары білімді заңгер әрі экономист. Еңбек жолын 1998 жылы Алматы қаласының Алмалы аудандық сотында бастаған. Одан кейін түрлі мемлекеттік қызметтерде, соның ішінде Астана қаласы мен Ақмола облысында маңызды басшылық лауазымдарда қызмет атқарған. 2006-2013 жылдары Қазақстанның Ресей Федерациясындағы Елшілігінде және бірқатар министрліктерде басшылық қызметтерді атқарды.

  2013-2022 жылдары Шымкент қаласы әкімінің кеңесшісі, «Шымкент» әлеуметтік-кәсіпкерлік корпорациясының Басқарма төрағасының орынбасары, сондай-ақ Қазақстан Республикасының бірқатар министрліктерінде басқарма басшысы, департамент директоры қызметтерін атқарған. 2022 жылдың қазан айынан бастап Түркістан облысы әкімі аппараты басшысының орынбасары лауазымында болған.

  Асқар Естібаевтың мол тәжірибесі мен білімі оны Түлкібас ауданының әкімі ретінде ауданның дамуына үлес қосуға мүмкіндік береді деп күтілуде. 
Тілші: Кенжебаева Гаухар Жақыпқызы