«Сенім телефоны» жұмыс істейді

  Әдеп кодексі мемлекеттік қызметшілердің моральдық-әдептілік бейнесі мен мінез-құлқының стандарттарын анықтайды және бұл талаптарды сақтау мемлекеттік қызметке деген қоғамның сенімін нығайту үшін өте маңызды. Шымкент қаласы Әл-Фараби ауданының санитариялық-эпидемиологиялық бақылау басқармасы аталған кодекс талаптарын орындауға бағытталған кешенді іс-шаралар жоспарын қабылдап, мемлекеттік қызметшілердің құқықбұзушылықтың алдын алу және әдеп нормаларын сақтау мәселелерін қатаң бақылауға алған.

  Басқарманың қызметкерлері үшін Әдеп кодексі мен сыбайлас жемқорлыққа қарсы заңнама талаптары үнемі бақылауда, сонымен қатар, басқармада мүдделер қақтығысының алдын алу үшін шаралар қарастырылған. Басқарманың жұмысы заңға сәйкес ұйымдастырылып, барлық азаматтардың өтініштеріне тиімді және заңды түрде жауап берілуде. Сондай-ақ, азаматтардың арыздарын басқарма басшылығына кедергісіз жеткізу үшін жеке қабылдау кестесі мен сенім телефоны ұйымдастырылған.

  Бұл шаралардың барлығы мемлекеттік қызметшілердің қоғам алдындағы жауапкершілігін арттырып, олардың моральдық және кәсіби стандарттарға сай жұмыс істеуіне ықпал етеді. Әдеп кодексінің талаптарын сақтау мемлекеттік қызметтің сапасын арттырып, қоғамның мемлекеттік қызметке деген сенімін күшейтеді. 
 
Тілші: Кенжебаева Гаухар Жақыпқызы