.TҮРКІСТАН ОБЛЫСЫ NЕAR ҰЙЫМЫНЫҢ МҮШЕСІ АТАНДЫ
Түркістан облысы алғаш рет Солтүстік-Шығыс Азия елдерінің өңірлік әкімшіліктері ассоциациясына (NEAR) қатысып, халықаралық ұйымның корреспондент мүшесі мәртебесін алды. Бұл шешім 2025 жылдың 13 маусымда 15-ші Бас Ассамблеяда қабылданып, өңірдің халықаралық аренадағы беделін арттыруға және өңіраралық әріптестікті нығайтуға бағытталған маңызды қадам болдыNEAR – Қытай, Жапония, Солтүстік пен Оңтүстік Корея, Моңғолия және Ресей секілді алты елдің 78 өңірін біріктіретін халықаралық платформа. Оның басты мақсаты – өңірлік әкімшіліктер арасында мәдени, экономикалық тәжірибе алмасуды насихаттау және өзара сенімге негізделген тұрақты даму стратегияларын қолдану
Түркістан облысының NEAR ұйымына енуі өңірдің халықаралық ынтымақтастыққа ашықтығын және оның туристік, экономикалық әлеуетін танытты. Бас Ассамблеяда облыс атынан қатысқан Туризм басқармасының басшысы Нұрдәулет Медеуов Түркістан облысы жайлы таныстырма жасап, өңірдің инвестициялық қажеттіліктерін, әлеуметтік–экономикалық дамуын, сондай-ақ мәдени және туризм саласындағы мүмкіндіктерін айтып өтті. Бұл қатысу басқа өңірлермен тәжірибе алмасуға, шетелдік инвесторлармен байланысқа мүмкіндік береді
Қазіргі таңда Түркістан өңірінің NEAR-ға интеграциясы Орта Азия үшін жаңа ынтымақтастық жолдарын ашады: жоба және инновациялық бірлескен бастамалар, инфрақұрылымдық байланыстар және мәдени-көркем алмасулар енгізілмек. Бұл – өңірдің туризм, білім, шағын және орта бизнес, индустриялық кластерлер сияқты салаларда жаңа мүмкіндіктер алуына жол ашады.
Ал өткен жылдардағы ұқсас оқиғаларға келетін болсақ, Түркістан облысы бұрын Қазақстан мен Қытайдың әкімшілік форумдарына қатысып, меморандумдар жасаса да, халықаралық ұйым мүшелігіне жол ашатын нақты ресми мәртебе әлі болмаған. 2023 жылы өңір Сауда-логистика саласындағы форумдарда, Шығыс-Оңтүстік Азия әріптестік шараларына қатысып, тек меморандум деңгейіндегі келісімдер жасалып келген. Бұл жолы NEAR ұйымына ресми түрде қосылып, статусымен ерекшеленіп отыр.
2024 жылы Түркістан әкімдігі халықаралық экспозициялар мен логистикалық форумдарда бірнеше меморандум жасағанымен, оның бәрі инвесторларды нақты тартуға дейін жетпеді. Ал NEAR ұйымының жақында бас ассамблеясында корреспондент мүшелік мәртебесін алу өңірдің халықаралық құрылымдармен өзара ықпалдасу әлеуетінің артуын білдіреді.
Мүше болу Түркістанға бірнеше артықшылық әкеледі. Біріншіден, өңір халықаралық жобалар мен сыйлықтарға қатыса алады, гранттық бағдарламаларға жол ашылады. Екіншіден, әріптес өңірлерден тиімді тәжірибе мен инновациялық шешімдер алуға мүмкіндік туындайды. Үшіншіден, NEAR арқылы инфрақұрылым саласында, экология, туризм мен мәдениет салаларындағы ынтымақтастық жанданады.
NEAR-ға мүше болған басқа өңір беталыстары да байқалады. Моңғолияның бірнеше аймақтары, Қытайдың провинциялары мен Ресейдің өңірлері іс-шараға қатысып, өңіраралық байланыстарды күшейтті. Бірақ Түркістан өңірі үшін бұл алғашқы ресми статус болса, өзге өңірлер негізінен серіктестік және меморандум форматында ғана қатысқан еді.
Түркістан облысының NEAR ұйымына енгені өңірдің халықаралық деңгейге шығу жолында стратегиялық жетістік болып табылады. Бұл мүшелік өңірдің экономикасындағы экспорт әлеуетін құруға, туризмге деген қызығушылықты арттыруға, сондай-ақ білім және инновация салаларында серіктестік орнатуға септігін тигізеді.
Қорытындылай келсек, NEAR ұйымының корреспондент мүшелігі Түркістан облысы үшін жаңа даму кезеңінің бастамасы. Бұдан былай өңіраралық, аймақаралық және халықаралық ынтымақтастық кеңейіп, аймақ экономикасына, әлеуметтік, мәдени және білім саласына жаңа мүмкіндіктер ашылмақ. Алдағы уақытта осы ұйым аясында жүзеге асатын жобалар мен іс-шаралар облыстың дамуына серпін береді деп күтілуде.
Тілші Тогжан Габидинова
Обсудить
Другие статьи:
БАСПАСӨЗ – ХАБАРЛАМА
04 Желтоқсан 2025, Бейсенбі
ПРЕСС-РЕЛИЗ
04 Желтоқсан 2025, Бейсенбі
Шымкентте студенттер экологиялық бастамаларды талқылады
03 Желтоқсан 2025, Сәрсенбі
Похожие материалы:
28 Маусым 2025, Сенбі
ТҮРКІСТАН–ЦИНДАО: АУЫЛ ШАРУАШЫЛЫҒЫНДАҒЫ ЖАҢА МҮМКІНДІКТЕР МЕН ИНВЕСТИЦИЯЛЫҚ СЕРПІН
08 Шілде 2025, Сейсенбі
ТҮРКІСТАН ОБЛЫСЫ МЕН ХЭЙЛУНЦЗЯН ПРОВИНЦИЯСЫ АРАСЫНДА ІСКЕРЛІК-ЭКОНОМИКАЛЫҚ БАЙЛАНЫСТАРДЫ НЫҒАЙТУ ЖӨНІНДЕГІ МЕМОРАНДУМҒА ҚОЛ ҚОЙЫЛДЫ
30 Қантар 2025, Бейсенбі
2) ТҮРКІСТАН: Кореялық инвесторлар ауыл шаруашылығы саласына озық технология ендірмек
Комментарии (0)