Еңбекші аудан әкімі Д.Есілбек көп қабатты үйлерді аралады

Еңбекші аудан әкімі Д.Есілбек арнайы сала мамандарымен, қолайлы орта қалыптастыру барысындағы жұмыс атқарушы мердігерлермен бірге, тұрғындармен кері байланыс орнату мақсатында Ш.Уалиханов, Елшібек Батыр, Жібек жолы көшелерінің бойындағы көпқабатты үйлерді аралап, тұрғындарымен кездесіп, мәселелерін тыңдады. Сала мамандары мен мердігерлерге аталған көпқабатты тұрғын үйлер аулаларындағы тазалық жұмыстарын, қураған ағаштардан тазалау, салынған және салыну барысындағы абаттандыру жұмыстары, балалар ойын алаңшалары, спорт алаңшаларындағы кемшіліктерді жою, жұмыстарды заң аясында, тұрғындардың талап-тілектерін ескере отырып орындау қажеттілігі ескертіліп, ендігі жерде заң жүзінде тиісті шаралар қолдану екендігі түсіндірілді.
Әкім және “Ұлағат” шағынауданын аралау барысындада Шымкент қаласының жолаушылар көлігі және автомобиль жолдары басқармасының тапсырысымен Марқакөл көшесіндегі асфальт қабатын төсеу жұмыстарымен танысты. Сала мамандарымен бірге тұрғындарға қолайлы орта қалыптастыру мақсатында және жауын-шашын кезінде су көлдеуінің алдын алу үшін асфальт қабатын су айдау қабілеті болатын еңкістікпен салу мүмкіндігін қарастырды. Шағынаудан аумағында жалпы 52 көше орналасқан. Кәріз жүйесінің құрылысы жүргізілгендіктен, кезең-кезеңімен шағынаудан аумағындағы көшелерді толық асфальт қабатымен қамту жұмыстары жүргізілетін болады.

Ақпарат көзі: akimat.enbekshi