Шымкент. Тұрғын үй мәселесі – еліміздегі маңызды әлеуметтік проблемалардың бірі.

Тұрғын үй мәселесі – еліміздегі маңызды әлеуметтік проблемалардың бірі. Жергілікті халықтың өмір сүру деңгейі мен тұрмыс жағдайы көбінесе тұрғын үйдің қолжетімділігі мен сапасына байланысты. Соңғы жылдары тұрғын үйге деген сұраныс артып, бұл мәселені шешу қажеттілігі туындап отыр.

Тұрғын үй проблемасының бірнеше аспектісі бар. Біріншіден, қалаларда халық санының өсуі мен урбанизация процесі тұрғын үй тапшылығын тудырады. Жастар мен отбасылардың көпшілігі өз тұрғын үйін сатып алуға немесе жалға алуға мәжбүр болады.Бұл сұраныстың артуы тұрғын үй бағасының күрд қымбаттауына себеп болады, бұл, әсіресе, табысы төмен отбасылар үшін қиындық тудырады.
Екіншіден, тұрғын үй сапасын айта өтсек оның да маңызды фактор болып табылады. Көптеген ескі үйлерде жөндеу мен жаңарту жұмыстары жүргізілмейді, нәтижесінде тұрғындардың өмір сүру жағдайлары нашарлайды. Тұрғын үй құрылысын дамытуға арналған мемлекеттік бағдарламалардың жоқтығы немесе жеткіліксіздігі бұл мәселені одан әрі қиындатады.

Үшіншіден, тұрғын үй мәселесі экономикалық аспектілермен де байланысты. Көптеген адамдардың тұрақты жұмысы мен кірісі жоқ, бұл тұрғын үй сатып алу немесе жалға алу мүмкіндігін шектейді. Сондықтан мемлекет тарапынан әлеуметтік тұрғын үй бағдарламаларын іске асыру қажет. Мұндай бағдарламалар арқылы төменгі табыс деңгейіндегі отбасыларға қолдау көрсетіп, тұрғын үй мәселесін шешуге көмектесу мүмкіндігі бар.

Сонымен қатар, тұрғын үй мәселесін шешу үшін мемлекеттік және жеке сектор арасында ынтымақтастық орнату маңызды. Жеке құрылыс компанияларын мемлекеттік гранттар мен субсидиялар арқылы ынталандыру, сондай-ақ тұрғын үй құрылысында инновациялық технологияларды енгізу – бұл бағыттағы тиімді шаралар.

Сондай-ақ, тұрғын үй мәселесін шешу үшін қоғамда тұрғын үй кооперативтерін құруды насихаттау да маңызды. Мұндай кооперативтер тұрғындардың бірігіп, қажетті ресурстарды жинақтап, өз тұрғын үйін салуына немесе жөндеуіне мүмкіндік береді.

Тұрғын үй мәселесі – тек экономикалық емес, әлеуметтік мәселе. Бұл тұрғыда халықтың тұрғын үйге қол жеткізуін қамтамасыз ету үшін жүйелі түрде шаралар қабылдануы тиіс. Тұрғын үй – адамның өмір сүруі үшін қажетті базалық қажеттілік, сондықтан бұл мәселені шешу барлық азаматтардың құқығын қамтамасыз ету үшін маңызды болып табылады сол үшін барынша тұрғын үй мәселесін қолға алу қажет

Тілші : Журсынбай Аружан Сабырқызы