Әлеуметтік саладағы жетістіктердің бірі — тұрғын үй-коммуналдық шаруашылық жүйесінің жаңғыртылуы.

Шымкент қаласының 2024 жылдың қаңтар-шілде айларындағы әлеуметтік-экономикалық дамуының көрсеткіштері қала тұрғындарының өмір сүру сапасын жақсартуға бағытталған кешенді шаралардың тиімділігін дәлелдейді. Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында еліміздің өнеркәсіп әлеуетін толық пайдалану және әлеуметтік-экономикалық салаларды жан-жақты дамыту қажеттігін баса айтқаны белгілі. Осы бағытта Шымкент қаласы айтарлықтай табыстарға қол жеткізіп, өзінің даму қарқынын арттыра түсуде.

Биылғы жылы өнеркәсіп өндірісі көлемі 3,6%-ға артты, оның ішінде өңдеу өнеркәсібі 3,4%-ға өсті. Бұл көрсеткіш Шымкенттің өндірістік әлеуетінің айтарлықтай артқанын және қаладағы өнеркәсіп кәсіпорындарының тиімді жұмыс істейтінін көрсетеді. Қалада жаңа өндіріс орындары ашылып, индустриалды аймақтарда инновациялық технологияларды қолдану деңгейі жоғарылап келеді. Сонымен қатар, Шымкентте жоғары технологиялы кәсіпорындардың саны көбейіп, өндіріс өнімінің сапасы жақсарып, экспорттық әлеуеті артып келеді.

Ауыл шаруашылығының жалпы өнім көлемі 3,1%-ға артты. Бұл көрсеткіш ауыл шаруашылығы саласының тұрақты дамып, қала тұрғындарын азық-түлік өнімдерімен қамтамасыз етуде өз үлесін қосып отырғанын білдіреді. Әсіресе, шаһардың агроөнеркәсіп кешені үлкен серпінмен дамып келеді. Шымкент аграрлық өнімдердің көлемін ұлғайтып, жаңа технологияларды енгізу арқылы өндірісті әртараптандыруға бағытталған жобаларға қолдау көрсету үстінде.

Инвестиция көлемі 14%-ға артты, бұл қала экономикасына қосымша қаржы тарту көрсеткішінің жоғарылағанын көрсетеді. Инвестицияның өсуі қаланың индустриялық және инфрақұрылымдық жобаларын іске асыруды жеделдетуде маңызды рөл атқарады. Жаңа бизнес жобаларының іске қосылуы жаңа жұмыс орындарын ашуға, тұрғындардың әлеуметтік жағдайын жақсартуға мүмкіндік береді. Шымкентке тартылған инвестициялардың бір бөлігі өнеркәсіп, құрылыс, ауыл шаруашылығы және көлік салаларына бағытталған.

Құрылыс саласында 22%-ға өсім байқалды. Бұл Шымкенттің тұрғын үй құрылысы, әлеуметтік нысандар мен инфрақұрылымдық жобаларды іске асыруда белсенді қадамдар жасап жатқанын көрсетеді. Қалада тұрғын үй кешендерінің саны артқан сайын, инфрақұрылымдық мәселелер де біртіндеп шешілуде. Жаңа мектептер, ауруханалар, мәдениет үйлері мен басқа да әлеуметтік нысандардың құрылысын іске асыру қала тұрғындарының қажеттіліктерін ескере отырып, жоғары сапалы өмір сүру жағдайларын жасауға мүмкіндік береді.

Жалпы сауда көлемі 16,3%-ға артты. Бұл көрсеткіш сауда саласының дамып келе жатқанын, халықтың тұтынушылық сұранысының өскенін көрсетеді. Сауда саласындағы өсу экономикалық белсенділіктің артуымен тікелей байланысты. Шымкенттің сауда-саттық инфрақұрылымы заманауи талаптарға сәйкес жаңаруда, жаңа сауда орталықтары мен базарлар ашылып, қала тұрғындары үшін әр түрлі тауарлар мен қызметтердің қолжетімділігі артты.

Көлік қызметі саласында 30,2%-ға өсу байқалды. Бұл қаладағы көлік инфрақұрылымының тиімділігі мен қызмет көрсетудің жақсарғанын білдіреді. Қалада жол жөндеу, қоғамдық көлік жүйесінің жаңартылуы және жаңа көлік терминалдарының құрылысы қарқынды түрде жүзеге асырылуда. Қаладағы көлік жүйесінің дамуы, әсіресе, жүк тасымалы мен қоғамдық көлік қызметінің тиімділігін арттыруға бағытталған.

Қысқа мерзімді экономикалық индикатор 111,6%-ды құрады, бұл қала экономикасының оң динамикасын көрсетеді. Бұл көрсеткіш Шымкенттің экономикалық тұрақтылығын, оның өсімін және даму әлеуетін айқындайды. Экономикалық өсімнің негізі ретінде қала әкімдігі мен мемлекеттік органдардың бірлесіп атқарған жұмыстарын айтуға болады. Қала экономикасын әртараптандыру, инвестициялар тарту, жаңа өндірістер мен әлеуметтік нысандар ашу — бұл бағыттар қалаға оң әсерін тигізуде.

Шымкент қаласы әкімдігі экономикалық өсімді қамтамасыз ету мақсатында түрлі шараларды жүзеге асыруда. Олардың ішінде жаңа өндірістерді қолдау, инновациялық жобаларды дамыту, бизнестің барлық саласын мемлекеттік қолдау арқылы қолжетімді ету сияқты маңызды жобалар бар. Сондай-ақ, кәсіпкерлік пен шағын және орта бизнестің дамуына ерекше көңіл бөлініп, кәсіпкерлердің бәсекеге қабілеттілігін арттыру үшін мемлекеттік бағдарламалар іске асырылуда.

Қаладағы әлеуметтік даму да қарқынды жүріп жатыр. Әлеуметтік саладағы жетістіктердің бірі — тұрғын үй-коммуналдық шаруашылық жүйесінің жаңғыртылуы. Жаңа тұрғын үйлер, әлеуметтік нысандар мен денсаулық сақтау мекемелері қаланың инфрақұрылымын жақсартуға бағытталған. Сонымен қатар, Шымкенттің қоғамдық қауіпсіздігін қамтамасыз ету мақсатында құқық қорғау органдарының жұмысы да жетілдіріліп келеді. Қаладағы жаңа жедел медициналық көмек көрсету орталықтары мен ауруханалар халықтың медициналық қызметке деген сұранысын қанағаттандырып, денсаулық сақтау саласында да жоғары деңгейдегі көрсеткіштерге қол жеткізуде.

Қорытындылай келе, Шымкент қаласының әлеуметтік-экономикалық дамуының нәтижелері қала халқының өмір сүру сапасын арттыруға бағытталған жүйелі жұмыстардың нәтижесі болып табылады. Өнеркәсіп, ауыл шаруашылығы, инвестиция тарту, құрылыс салаларының өсуі, сауда мен көлік қызметінің артуы, сондай-ақ әлеуметтік инфрақұрылымның жаңартылуы — Шымкенттің тұрақты даму жолындағы маңызды жетістіктері болып табылады. Бұл бағыттағы жұмыстар алдағы уақытта да жалғасып, қала тұрғындарының әл-ауқатын арттыруға өз үлесін қосатын болады.

Тілші : Журсынбай Аружан Сабырқызы