Шымкентте мүгедектігі бар азаматтарға инватакси мен судоаудармашылар қызмет көрсетуде

Шымкентте мүгедектігі бар азаматтарға инватакси мен сурдоаудармашылар қызмет көрсетуде

  Шымкентте өткен сайлауға қала тұрғындары, соның ішінде мүгедектігі бар азаматтар белсенді түрде қатысуда. Жалпы, қалада ерекше қажеттіліктері бар 3615 сайлаушы тіркелген және оларға дауыс беру процесі жеңілдетілген. Сайлау учаскелерінде арнайы жағдайлар жасалып, 1512 мүмкіндігі шектеулі азамат үшін 28 инватакси қызмет көрсетеді, бұл таксилер оларды учаскелерге тасымалдап, дауыс беру мүмкіндігін қамтамасыз етеді.

  Есту қабілеті бұзылған 1423 азаматқа 65 сурдоаудармашы көмектеседі, ал көру қабілеті бұзылған 680 тұрғын үшін сайлау учаскелерінде арнайы құрылғылар: тактильді жолдар, үлкейткіштер, Брайльді бюллетеньдер мен құлаққаптар орнатылған. Бұл шаралар мүгедектігі бар азаматтардың сайлау процесіне толық қатысуын қамтамасыз етеді.

 Шымкентте жалпы 344 сайлау учаскесі жұмыс істейді, оның 23-і ерекше қажеттіліктері бар азаматтарға қызмет көрсету үшін жабық болып табылады. Қалада 18 жасқа толған 660 563 азамат дауыс беру құқығына ие. 
Тілші: Кенжебаева Гаухар