3) Түркістан облысында жаңа мектеп ел игілігіне берілді

Түркістан облысында жаңа мектеп ел игілігіне берілді

  Түркістан облысының Келес ауданында жаңа мектеп пайдалануға берілді. Бұл мектеп Мемлекет басшысының білім саласындағы инфрақұрылымды жетілдіру тапсырмасымен салынды. Жаңа оқу ордасының ашылу салтанатына Түркістан облысы әкімінің орынбасары Бейсенбай Тәжібаев қатысып, білім мекемесінің жұмысына сәттілік тіледі.

  Жаңа мектеп 300 орынға арналған және заман талабына сай құрылымдалған. Ғимаратта пәндік кабинеттер, спорт залы, асхана, медициналық бөлмелер бар, барлық қажетті құрал-жабдықтармен қамтамасыз етілген. Білім ордасы келешекте 379 оқушыға қызмет көрсететін болады. Мектептің ашылуы жергілікті тұрғындар үшін үлкен қуаныш болып, білім сапасын арттыруға бағытталған маңызды қадам болып табылады. 
Тілші: Кенжебаева Гаухар Жақыпқызы