Шымкентте су басуы мүмкін 20 қауіпті аймақ белгіленді

Шымкентте су басуы мүмкін 20 қауіпті аймақ белгіленді

  Шымкент қаласында көктемде су басу ықтимал аймақтар анықталды. Төтенше жағдайлар қызметі қазіргі уақытта 20 аумақты бақылауға алып отыр, оның басым бөлігі Сайрамсу өзенінің бойында орналасқан. Мамандардың айтуынша, қала ішінен өтетін өзен тұрғындарға қазіргі уақытта жанама қауіп төндірмейді, бірақ қар мен жауын-шашынның артуы жағдайды ушықтырып жіберуі мүмкін.

  Гидрологиялық өлшемдер бойынша судың деңгейі қауіпсіз межеден төмен тұр, бірақ қаланың су тасқынына қарсы шаралары жалғасуда. Қыс бойы қар шығарылып, арықтар тазартылған, ал алдағы уақытта жағаларды бетонмен нығайту жоспарлануда. Сонымен қатар, Бадам өзенінің бойында да көктемгі тасқынның алдын алу шаралары жүргізіліп, оған 5 млрд теңгеден аса қаржы бөлінген.

  Қазіргі уақытта Еңбекші ауданындағы Сайрамсу өзенінің жағасында орналасқан 12 учаске зерттеу барысында анықталып, сол аймақтарда 15 тұрғын үй мен 100-ге жуық адам тұрады. Бірақ қазіргі таңда олар үшін ешқандай қауіп жоқ. Төтенше жағдайлар қызметі бұл жағдайды бақылауда ұстап, қажетті шараларды қабылдауда. 
Тілші: Түймебай Аяжан Лениншілқызы