10) Түркістан облысында ауыл шаруашылығына бағытталған екі жаңа зауыт салынады.

Түркістан облысында ауыл шаруашылығына бағытталған екі жаңа зауыт салынады. 

  Түркістан облысында ауыл шаруашылығына бағытталған екі жаңа зауыттың құрылысы басталады. Жобалардың жалпы құны 3 миллиард теңге шамасында болып, Мақтаарал ауданындағы индустриалды аймақта орналасады. Бірінші зауыт ауыл шаруашылығы дақылдарын тамшылатып суаруға арналған техника өндірсе, екінші зауыт мақта тұқымын өңдеумен айналысады. Бұл жобалар 2025 жылы іске қосылуы жоспарланып отыр.

  Сонымен қатар, облыс әкімдігі индустриалды аймақта іске қосылған тағы бір кәсіпорынның жұмысын хабарлады. Мұнда мақта өңделіп, өнімдер Қытай, Түркия, Иран, Еуропа елдері мен Орталық Азияға экспортталатын болады. Жобалар өңір экономикасын дамытуға, жұмыс орындарын ашуға және экспорттық әлеуетті арттыруға бағытталған. 
Тілші:Кенжебаева Гаухар Жақыпқыз