2) Шымкент қаласы Абай ауданында тұрғындардың өмір сүру сапасын арттыру мақсатында инфрақұрылым саласында ауқымды жұмыстар жүргізілуде.

Шымкент қаласы Абай ауданында тұрғындардың өмір сүру сапасын арттыру мақсатында инфрақұрылым саласында ауқымды жұмыстар жүргізілуде.

  Шымкент қаласы Абай ауданында тұрғындардың өмір сүру сапасын арттыру мақсатында ауқымды инфрақұрылымдық жұмыстар жүргізілуде. Аудандағы 27 елді мекенде 55 159 жеке үй мен 220 көпқабатты тұрғын үй орналасқан, ал халық саны 257,7 мың адамды құрайды.  Аудан аумағында 1274 көше мен 230 әлеуметтік нысан бар. Бұл көрсеткіштер ауданның әлеуметтік-экономикалық дамуына айтарлықтай ықпал етуде.

  Ауданда ауыз су мен электрмен жабдықтау мәселелері толығымен шешілген, бұл тұрғындар үшін маңызды инфрақұрылымдық қажеттіліктердің қамтамасыз етілгенін көрсетеді. Сондай-ақ, ауданның 25 елді мекені табиғи газға қосылған, бұл көрсеткіш 92,6%-ды құрайды. Биыл Қайнарбұлақ тұрғын алабы мен Қайнарбұлақ саяжайында газдандыру жұмыстары аяқталып, үйлерді абоненттеу жалғасуда. Газдандырылмаған екі елді мекенде жұмыстар одан әрі жүргізілуде:

1.Ынтымақ-2 шағын ауданында газ тарту жұмыстары 95%-ға аяқталды, ал жобаны аяқтау 2025 жылға жоспарланған.

2.Тәуелсіздікке 20 жыл тұрғын алабында газ тарту жұмыстары 95%-ға жетті, ал газ беру 2025 жылдың ақпанында басталады.

  Алдағы уақытта ауданның инфрақұрылымын дамыту үшін 53 шақырымды құрайтын 61 көшеге асфальт төсеу жоспарланған. Бұл жұмыстардың аяқталуы нәтижесінде ауданның 62,1%-ы қанағаттанарлық жағдайға келеді.

  Жалпы, Абай ауданының инфрақұрылымдық дамуы мен әлеуметтік жобалары тұрғындардың өмір сүру сапасын жақсартуға бағытталған, ал 2025 жылға дейін жоспарланған жобалар осы дамуды одан әрі жалғастыруды көздейді. 
Тілші: Кенжебаева Гаухар Жақыпқызы