10) ТҮРКІСТАН: Ордабасы тұрғыны оқушыларға қосымша білім беру орталығын ашты

ТҮРКІСТАН: Ордабасы тұрғыны оқушыларға қосымша білім беру орталығын ашты

  Бүгінде білім сапасын арттыру мақсатында елімізде көптеген маңызды бағдарламалар жүзеге асырылуда. Солардың бірі — қосымша білім беру саласын дамытуға бағытталған жобалар, бұл жастарға жаңа мүмкіндіктер ұсынады. Осы бағдарламалардың арқасында жас кәсіпкерлер өз армандарын жүзеге асырып, қоғамға пайдалы бастамаларды қолға алуда.

  Олардың бірі — көпбалалы ана, кәсіпкер Наталья Сущенко. Ол мемлекет қолдауы арқасында қосымша білім беру орталығын ашып, жасөспірімдерге білім беру қызметін ұсынып отыр. Ордабасы ауданы, Бадам ауылының тұрғыны 2024 жылы 1 млн 476 мың 800 теңге көлемінде қайтарымсыз мемлекеттік грант алып, кәсібін бастаған. Қазіргі таңда оның орталығында 18 оқушы білім алуда. Орталықта балалардың таланты мен қабілеттерін дамытуға толық мүмкіндік берілуде, бұл олардың болашақтағы жетістіктеріне үлкен ықпал етеді. 
Тілші: Кенжебаева Гаухар Жақыпқызы