Шымкентте өлілер атына несие рәсімдеген қылмыстық топ ұсталды

Шымкентте өлілер атына несие рәсімдеген қылмыстық топ ұсталды

Шымкентте өлілердің атына несие рәсімдеген қылмыстық топ ұсталды. Қылмыстық топ мүшелері төрт жыл бойы жалған банк шоттары арқылы 22 миллион 800 мың теңгені қалтаға басқан. Қазіргі таңда бес күдіктінің басқа да қылмыстарға қатыстылығы тексеріліп жатыр. Прокуратура қызметкерлерінің мәліметінше, осы іске байланысты кредиторларға да қылмыстық іс қозғалған. Егер олардың кінәсі дәлелденсе, алаяқтық бабы бойынша бес жылдан он жылға дейін бас бостандығынан айырылуы мүмкін.

Қала прокуратурасының басқарма басшысы Жандос Досановтың айтуынша, алаяқтық әрекеттер жалған жеке кәсіпкерлер мен заңды тұлғалардың құжаттарын пайдалану арқылы жүзеге асырылған. Кредиторлар тиісті тексеру жұмыстарын жүргізбегендіктен және есепшоттарды бұғаттау шараларын қолданбағандықтан, қылмыстық топтың алаяқтық жоспарларын жүзеге асыруына және жәбірленушілердің қаражаттарын жымқыруына мүмкіндік туған. Бұл жағдай қаржы институттарындағы қауіпсіздік шараларының жеткіліксіздігін және заңнамадағы олқылықтарды көрсетеді. Тергеу барысында қылмыстық топтың басқа да қылмыстарға қатысы бар-жоғы анықталады. Прокуратура бұл істің әділ шешімін табатынына сендіреді. 
Тілші: Жүрсінбай Аружан Сабырқызы