1) Шымкент гарнизонында Қорғаныс ведомствосының басшысы генерал-полковник Руслан Жақсылықов Арнайы операциялар күштерінің бөлімшесіне барып, жауынгерл

Шымкент гарнизонында Қорғаныс ведомствосының басшысы генерал-полковник Руслан Жақсылықов Арнайы операциялар күштерінің бөлімшесіне барып, жауынгерлердің мызғымас рухының символы – монументтің ашылуына қатысты.

   Шымкент гарнизонында өткен шара Қорғаныс ведомствосының күштерін жаңарту және жауынгерлердің жоғары рухын нығайту бағытындағы маңызды қадам болды. Арнайы операциялар күштерінің бөлімшесіне арналған монументтің ашылуы мен жауынгерлік туды табыстау рәсімі – бұл тек әскери бөлімнің тарихы мен жауынгерлік дәстүрлерін сақтауға деген құрмет ғана емес, сондай-ақ бүгінгі және болашақ ұрпақ үшін жоғары жауапкершілік пен міндетті түсінуіне арналған маңызды символ.

  Министрдің сөзінде атап өткен «Біздің күшіміз – бірлікте» ұраны жауынгерлік рухтың, ынтымақтастықтың және кәсіби бірлестіктің негізін қалаушы құндылықтар екенін көрсетеді. Ал, бөлімнің жаңа ғимараты мен жаңартылған оқу-жаттығу кешені әскери қызметшілердің кәсіби даярлығын арттыруға, олардың тактикалық және психологиялық дайындықтарын жетілдіруге мүмкіндік береді.

  Әскери қызметшілердің жауынгерлік дайындықтарын зерделеу және жаңа тапсырмаларға дайындықтарын арттыру мақсатында ұйымдастырылған тактикалық сабақтар мен тәжірибелік жаттығулар олардың жоғары кәсіби деңгейін көрсетеді. Бұл бөлімнің миссиясы мен мемлекетіміздің қорғаныс қабілетін нығайтуда маңызды рөл атқаратыны сөзсіз. 
Тілші: Кенжебаева Гаухар Жақыпқызы