Түркістан қаласында 7 мыңнан аса жұмыс орнын ашатын 192 инвецтисиялық жоба жасақталды

Түркістан қаласында 7 мыңнан аса жұмыс орнын ашатын 192 инвестициялық жоба жасақталды

  Түркістан облысының әкімі Дархан Сатыбалдының төрағалығымен өткен мәжілісте Түркістан қаласының әлеуметтік-экономикалық даму болжамы кеңінен талқыланды. Қаладағы тұрғындардың санының артуы, инфрақұрылым мәселелері, инвестициялар мен экономикалық өсу жайы басты назарға алынды.

Әкімнің айтуынша, Түркістан қаласында халық саны 234 мыңнан асты, оның ішінде экономикалық белсендісі 83 мыңнан асады, және жұмыспен қамтылғандар саны 80 мыңға жуық. Түркістан қаласының жалпы өңірлік өнім көлемін 2030 жылға қарай 2,8 есе арттыру көзделіп отыр. Өткен 4 жылда қала экономикасына 1,3 трлн теңге инвестиция тартылған, ал алдағы 6 жылда бұл көрсеткішті 4,6 трлн теңгеге жеткізу жоспарлануда.

  Туризм саласы айтарлықтай маңызды болып табылады. Түркістан облысы тарихи ескерткіштермен және арнаулы экономикалық аймақтармен ерекшеленеді, бұл өз кезегінде туризмнің дамуына ықпал етеді. Түркістанға келетін сыртқы туристер саны екі есеге артып, 20 мың адамға жетеді деп күтілуде. Сонымен қатар, 2024-2029 жылдары қалада 192 инвестициялық жоба жүзеге асырылып, 7 мың жаңа жұмыс орны ашылады. Осы жобалар арқылы жергілікті бюджетке түсетін түсім 2,2 есе өсіп, 81,2 млрд теңгені құрауы мүмкін.

Сондай-ақ, қалада құрылыс жұмыстарының көлемі 17 пайызға өсіп, жеке инвестициялар есебінен 136 жаңа жоба жүзеге асырылады. Жалпы қала экономикасы мен инфрақұрылымының дамуына зор әсер етіп, оның 2030 жылға дейін өзін-өзі қаржыландыратын шаһарға айналуына жол ашылады.

  Түркістандағы туризм, өнеркәсіп және инфрақұрылым жобаларын іске асыру арқылы облыс орталығының экономикасын одан әрі көтеру жоспарланып отыр. 
Тілші: Кенжебаева Гауһар