5) ТҮРКІСТАН: “Кең дала” бағдарласымен қаржыландыру жүріп жатыр

ТҮРКІСТАН: “Кең дала” бағдарласымен қаржыландыру жүріп жатыр

  Түркістан облысында ауыл шаруашылығы саласын қолдауға бағытталған мемлекеттік бағдарламалар, оның ішінде «Кең дала» бағдарламасы, айтарлықтай тиімділік көрсетуде. 2024 жылы бағдарлама аясында өңірде 1623 жоба қаржыландырылып, 11,4 млрд теңге бөлінді. Бұл шаралар көктемгі егін егу мен жиын-терім жұмыстарын ерте қаржыландырып, шаруаларға жеңілдетілген қысқа мерзімді несиелер ұсынуға бағытталған. Нәтижесінде 2110 адам жұмыспен қамтылды.

  2025 жылы бағдарламаны іске асыру үшін 12,3 млрд теңге бөлініп, 1700-ге жуық жобаны қаржыландыру және 2200-ден астам жаңа жұмыс орнын ашу жоспарланып отыр. Жыл басынан бері 2 млрд теңге бөлініп, 221 шаруа қожалығы қаржыландырылып, 287 жаңа жұмыс орны құрылды. Қаржының мөлшері 500 мың теңгеден бастап 300 млн теңгеге дейінгі аралықта өзгеріп, сыйақы мөлшерлемесі жылдық 5% құрайды.

 Бұл бағдарламаны үйлестіру «Түркістан» әлеуметтік-кәсіпкерлік корпорациясы» АҚ-на қарасты «Оңтүстік» АИО» ЖШС және «Ырыс» МҚҰ» ЖШС-не жүктелген. Қазіргі таңда құжаттар қабылдануда, және үміткерлер жеңілдікпен несие алуға мүмкіндігі бар.

  «Кең дала» бағдарламасы шаруаларға елеулі қолдау көрсетіп қана қоймай, Түркістан облысындағы агроөнеркәсіпті дамытуға да мол ықпал етуде. 
Тілші: Кенжебаева Гаухар Жақыпқызы