5) Болашағын IT саласымен байланыстырған жастар көп – Мұхит Кемелов

Болашағын IT саласымен байланыстырған жастар көп – Мұхит Кемелов

  Шымкентте өткен «SHYMKENT IT HUB – МҮМКІНДІКТЕР АЛАҢЫ» атты форум қаладағы цифрландыруды дамыту, IT саласын насихаттау және «Shymkent Hub» технопаркімен таныстыру мақсатында ұйымдастырылды. Шымкент қаласының цифрландыру басқармасының басшысы Мұхит Кемелов цифрландырудың зор әлеуетін атап өтіп, азаматтарды осы хабқа келіп, өз білімдері мен дағдыларын дамытуға шақырды.

  Форумда Шымкент хабтың өңірлік менеджері Тимур Қозыкеев технопарктің негізгі мақсаты – IT экожүйесін дамыту екенін айтып, хабтың жұмыс бағыттары мен жобаларын таныстырды. Сонымен қатар, IT компанияларының өкілдері өздерінің стартап жобалары туралы айтып, қатысушыларға тәжірибелерімен бөлісті.

  Айта кетейік, 2023 жылдың тамыз айында қалада «Shymkent Hub» технопаркі ашылып, бұл орталық технологиялық кәсіпкерлік пен инновациялық жобаларды дамыту үшін үлкен мүмкіндік туғызады. Орталық өңірлердегі талантты мамандарды тартуға және технологиялық кәсіпкерлікті ілгерілетуге бағытталған. 
Тілші: Кенжебаева Гаухар Жақыпқызы